MNEK Koloka Pontu Fokál Nain 7 ba Sentru Votasaun iha Rai Liur

0
162
Roberto Soares

DILI (TATOLI)-Ministériu Negosiu Estrangeiru no Koperasaun (MNEK) diside ona hodi koloka diplomata hamutuk nain hitu (7) ba iha sentru votasaun iha iha Portugal, Australia, Koréa do Súl no Englatera ba elisaun parlamentar, 22 Jullu.

Vise Ministru Negosiu Estrangeiru no Koperasaun Roberto Soares hateten, sei koloka servisu diplotama ba iha sentru votasaun ne’ebé STAE no CNE estabelese iha Portugal, Australia, Koréa do Súl no Englatera.

ʺIha Portugal ema na’in rua, iha Englatera ida, iha Australia ema na’in tolu  no iha Korea do súl ida tanba koloka tuir sentru votasaun, ʺ Roberto Soares dehan nia ba Jornalista sira iha edifisiu MNEK Praia dos Coqueiros, Dili, Segunda (10/07).

Entertantu Governante ne’e fó hatene katak, tuir relatorio resensiamentu eleitoral ne’ebé hala’o iha nasaun ha’at ne’e rejista Timoroan rihun rua resin maka atu partisipa iha eleisaun Parlamentár.

Iha Australia Timoroan ne’ebé rejista besik  atus hitu,  iha Portugál atus  lima resin no restu ne’e  husi  Koréa do Súl no Reuño Unido (Englatera).

Entre nasaun sira ne’e hotu STAE no MNEC estabelese ona señtru votasaun tolu iha Australia ne’ebé lokaliza iha Darwin, Sydney, Melbourne.

Iha Portugal lokaliza iha Lisboa no Portu, no iha Englatera no Koréa do Súl.

ʺPontu fokál hirak ne’e tempu besik sei mai no akompaña husi STAE, CNE no observador sira atu lori buletin votu ba nasaun ha’at ne’e,” Roberto konklui.

(Jornalista:Agapito dos Santos, Editór : Manuel Pinto).

HUSIK IDA HATÁN