Materiál Eleisaun Ohin Transpórta Ona Ba Estranjeiru

0
50
FOTO STAE

DILI (TATOLI) Materiál sensetivu no Nonsensetivu ba eleisaun Parlamentar iha Portugal, Londres, Australia no Korea Sul, ohin, Sesta (14/07) transpórta ona ba estranjeiru.

Diplomata ba Misaun Permanente Timor-Leste iha Portugal, Joaquim Fernandes, informa, transportasaun materiál eleisaun ba Portugal ho aviaun Sriwijaya iha Aeroportu Internasional Nicolaau Lobato-Dili, ohin iha tuku 13:30 hafoin rute ba Denpasar Bali depois aranka fali ba ho Aviaun Emirates ba Dubay pois ba Portugal.

“Ohin Ami simu ona materiál sensitivu no non sensitivu hosi Sekretariadu Tékniku Administrasaun Eleitorál (STAE) no agora ami aranka ba aeroportu atu transporta ba Portugal,” Joaquim Fernandes informa ba Ajénsia TATOLI hafoin simu materiál eleisaun hosi orgaun eleitorál iha edifísiu STAE, Kaikoli, Sesta (14/7).

Nia hatutan, Atu kontrola materiál sira ne’e, Ministeriu Negósiu Estranjeiru no Kooperasaun (MNEK) iha kanál propriu hodi halo nota verbál ba nasaun ne’ebé materia  sira sei liu ba no ho meus haruka karta ba Ajénsia Aerio atu marka vistu ba materiál senstivu ba eleisaun atu labele estraga, bainhira hetan estragus responsabilidade kabe ba diplomata sira nian.

Iha fatin hanesan, Konselleiru Embaixada Repúblika Demokratika Timor-Leste (RDTL) iha Londres, Danilio Naicoli Goncalves hateten materiál sensitivu hanesan bulletin votu iklui non senstivivu mak tinta, urna, kamizola eleisaun no seluk tan sei transporta ba Londres iha tuku 15 loro-kraik ho aviaun Silkair iha Dili ba Singapura no sei liu Hidro hafoin to’o Londres maizmenus iha Domingu tuku 5 dader.

Tuir nian, preparasaun eleisaun iha Londres no Yukey no sidade sira seluk di’ak tebes tanba Timoroan sira hetan resensiamentu no atualizasaun baze dadus atu tuir eleisaun iha 22 Jullu.

“Eleisaun ne’e halo dahuluk iha Londres no Timoroan sira sente kontente tebes ba festa demokrásia ne’e. ami mak sei asegura prosesu eleisaun tomak iha ne’eba no ami garante katak eleisaun sei susesu to’o rohan,” Danilio Naicoli Goncalves haktuir.

Iha sorin seluk, Prezidente Votasaun iha Korea Sul, Lino Barreto informa tan katak, materiál sensitivu sei lori ba Korea Sul iha Domingu, 16 Jullu ho aviaun Citilink, liuhosi Bali no ba Korea Sul ho aviaun Garuda Indonézia, enkunatu to’o iha Korea Sul iha  17 Jullu ho tuku 9 dader no afisialmente sei transpórta ba embaixada sai nu’udar sentru votasaun.

Nia dehan, Governu Korea Sul fó apoiú másimu iha parte seguransa atu garante eleisaun parlamentár ho susesu iha sira nia nasaun.

Entretantu, Koordenadór Sentru Votasaun iha Melbourn, Crizono de Araujo dehan tan, materiál sensitivu no non sensitivu sei transpórta ba Australia iha 16 Jullu ho Aiaun Air North no hafoin eleisaun sei lori fila fali materiál sira ne’e mai Timor-Leste iha 23 Jullu 2017.

Totál eleitór iha Portugal hamutuk 589, Londres ema nain 208, Korea Sul 227 no Australia hamutuk 1.101.

Tuir rezultadu resensiamentu no atualizasaun baze dadus iha rai laran no rai liur hamutuk 764.858, enkuantu eleitor feto hamutuk 369.695 no mane 395.163, nune’e mós, sentru votasaun rai liur no rai laran  hamutuk 843.

(Jornalista : Zezito Silva, Editór : Manuel Pinto)

HUSIK IDA HATÁN