Maioria Lisensiadu La Responde ba Merkadu

0
119
Graduadu sira.

DILI (TATOLI)—Primeiru Ministru (PM) Rui Maria de Araújo afirma ohin loron timoroan sira ne’ebé iha diplóma lisensiadu barak mak la responde ba nesesidades merkadu servisu ohin loron nian.

Nia dehan, ohin loron iha terenu presiza liliu joven sira ne’ebé aprende espesifíku iha área konstrusaun sivil, agrikultura, Mekánika, Turismu, no Industria Bazíka.

ʺIta hotu hatene iha lisensiadu barak iha Timor Leste maka la konsege hetan servisu tanba ita nia komponenti merkadu servisu oras ne’e presiza iha área konstrusaun Sivíl, Agrikultura, turismu, industria bazíka, kompara ho aprende jerál,ʺ Rui Maria de Araújo afirma iha Eskola Sekundária Tékniku Vokasionál Bekora, Kinta (20/07).

Merkadu trabalhu ohin loron, tuir Nia, presiza joven ne’ebé iha kuñesimentu no abilidade espesifíku tanba ne’e, sexto Governu Konstituisionál durante tinan rua hahú inisia ho estabelesmentu eskola Tékniku vokasionál sira.

Eskola tekníku vokasionál importante atu fó abilidade no esperensia barak liutan  atu tama iha merkadu servisu hodi diversífika ekonómia iha rai laran.

Relasiona ho ida ne’e, Xefi Governu ne’e husu ba Eskola Sekundária Tékniku Vokasionál Bekora tenki fornese edukasaun ida ho kualidade ba Joven sira molok emprega ba kampu servisu iha terenu hodi apoiú  diversifika ekonómia iha rai laran.

ʺHusu mós setímo Governu tenki investe maka’as iha eskola tékniku Vokasionál sira,” PM Rui hakotu lia.

(Jornalista:Agapito dos Santos).

(Editór : Manuel Pinto)

HUSIK IDA HATÁN