Lú Olo Sei Serbisu Hamutuk ho Partidu Ne’ebé Sai Vensedór

0
104
Xefe Estadu, Francisco Guterres Lú Olo akompaña hosi ninia espoza hafoin ezerse ninia direitu votu iha Ensinu Primária Farol, Dili, sábadu dadér ne'e. Foto Tatoli/António Goncalves

DILI, (TATOLI) – Prezidente Repúblika, Francisco Guterres Lú Olo hateten dirijente partidu polítiku sira ho nia militante hatudu ona prova katak hotu-hotu hakarak estabilidade.

“Ohin nu’udar loron eleisaun ninian, ha’u fiar katak povu tomak sei garante estabilidade hodi hakat ba iha urna sira para husik hela sira nia votu hodi hili partidu sira atu ukun,” Lú Olo dehan asuntu ne’e ba jornalista sira iha sentru votasaun, Eskola Primária Farol, Dili, sábadu dadér ohin.

Nia haktuir povu ida ne’e hatudu ninia maturidade ás teb-tebes durante kampaña no nia sente orgullu aktu ida ne’e tanba projeta imajen ba komunidade internasionál katak povu hakuak duni pás no estabilidade.

Iha biban ne’e, nia promete katak nia sei serbisu hamutuk ho partidu ne’ebé de’it maka manán iha eleisaun tanba partidu ida ne’ebé manán nu’udar timoroan maka manán.

Hanesan Xefe Estadu, nia dehan, kontinua kaer ninia komprimisu katak prezidente ba povu tomak no sei hakuak povu tomak.

Jornalista: Xisto Freitas

Editora: Rita Almeida

HUSIK IDA HATÁN