Lú Olo Husu CNE Tau Matan Kontajen Votus

0
108
Prezidenti Repúblika, Francisco Guterres Lú-Olo. Imajen Mídia PR

DILI (TATOLI)—Prezidenti Repúblika, Dr. Francisco Guterres Lú Olo husu ba  Komisaun Nasionál Eleisaun (CNE) atu tau matan ba prosesu kontajen votus no apuramentu nune’e rezultadu elisaun parlamentar iha loron 22 Jullu bele kredível.

“Prezidenti husu ami atu kontinua koordena ho partidu polítiku sira, parte seguransa no públiku tomak atu bele garante prosesu kampaña ne´e ho didi´ak, tau matan didi´ak ba prosesu votasaun, kontajen votus no apuramentu nune´e rezultadu eleisaun ne´e bele sai rezultadu ida ne´ebé maka kredível,” Prezidenti CNE, Alcino barris haktuir informasaun ne´e ba jornalista sira iha Palásiu Prezidénsia Repúblika, Bairu-Pité, Dili, Tersa ne´e, hafoin levanta serbisu CNE ba Xefi Estadu Lú Olo.

Xefi Estadu mós enkoraza Komisaun Nasionál Eleisaun atu garante prosesu kampaña no eleisaun parlamentár ho di´ak, hanesan saida mak partidu polítiku sira hatudu ona iha periodu kampaña durante 15 nia laran maibé la´o kapa´as no la´o tuir kalendáriu ne´ebé maka Komisaun Nasionál Eleisaun aprova no lei sira ne´ebé vigór.

Ho realidade hirak ne’e Alcino hein katak, elisaun ne’ebé mak sei mai tasa partisipasaun eleitór ba eleisaun sei ás tanba sentru no estasaun votasaun barak maka aumenta atu fasilita komunidade sira, no resensiamentu mós hala´o iha rai liur para timoroan sira iha rai liur bele partisipa eleisaun.

Antes ne’e mós Prezidenti Partidu Libertasaun Popular (PLP) husu atu CNE kontinua neon nain matan moris akompaña prosesu kontajen votus tanba bainhira la kontrola ho didi’ak prosesu kontajen makina mós bele konta.

(Jornalista: Xisto Freitas, Editór : Manuel Pinto)

HUSIK IDA HATÁN