“Liberta” Kontentór 19 MAP Aloka Mil U$130

0
68
Diretór Nasionál Agrikultura, Ortikultura no Estensaun, MAP, Amaro Ximenes.

DILI (TATOLI)-Diretór Nasionál Agrikultura, Ortikultura no Estensaun, MAP, Amaro Ximenes informa Ministériu Agrikultura no Peska (MAP) prosesa ona dokumentu kontentór 19 ne’ebé Alfándega apreende (foti) no preve mos osan mil U$ 130 atu selu taxa

“Horisehik MAP hetan ona informasaun husi SDV no  ohin, SDV hamutuk ho Diresaun Aprovizionamentu no Lojístika, bá ona Alfándega atu halo inspesaun ba kontentór 19 ne’e. Ami fiar semana rua ami tenta foti,” Amaro informa iha Komoro, ohin.

Tuir Amaro buat ne’ebé mak sente preokupa mak data demorate naruk liu ona, tanba ne’e osan bele sa’e tan maibe enkuantu iha prosesu atu hasai la hetan obstaklu boot ruma hodi kontentor sira ne’e hasai iha fulan ida ne’e nia laran osan U$130 mil hodi selu ba demorate ba SDV sufisiente.

Bazeia ba planu MAP nian bainhira foti sai sasán ne’e, MAP sei rai iha Metinaru iha kampaun Agrikultura no sei utiliza Xina nia kampaun depois mak distribui ekipamentu ne’e.

Maibé antes halo distribuisaun husi parte Xina no ministériu ko’alia ona katak sei halo treinamentu ba ema sira ne’ebé mak atu utiliza sasán ne’e.

Treinamentu ne’e ba funsionáriu agrikultura liuliu ba tratorista tanba iha mós hand tractor, mekániku munisípiu 12 tanba presiza halo manutensaun no Xina mak sei tau osan no husi MAP mak responsabiliza ba fatin treinamentu no viajen lokál ba funsionáriu sira ne’ebé atu mai nasionál.

(Jornalista : Maria Auxiliadora)

(Editór : Manuel Pinto)

Noísia relasiona: http://www.tatoli.tl/2017/07/alfandega-apreende-ekipamentu-map-nian/

HUSIK IDA HATÁN