Lei Institutu Kualidade Timor-Leste Pendenti

0
85
Ministru Komérsiu Indústria no Ambiente (MKIA), Constâncio da Conceição Pinto. Foto/Google.

DILI (TATOLI)-Ministru Komérsiu Indústria no Ambiente (MKIA), Constâncio da Conceição Pinto informa Dekretu Lei Institutu ba Kualidade Timor-Leste, I.P labele avansa tanba presiza liuhusi Parlamentu Nasionál (PN) no promulgasaun Prezidente Repúblika nian nune’e Prezidente rasik husu atu dekretu lei hanesan ne’e entrega ba governasaun foun.

”Mas desizaun hanesan ne’e ona, ita respeitu Prezidente Repúblika nia pedidu depois mak ita haree, hein katak Governu foun mai bele fó segimentu ba prosesu Dekretu Lei ida ne’e para aprova,” Constâncio katak iha Palásiu Governu, horisehik.

Tuir Constâncio Pinto Institutu ba kualidade ne’e buat ida importante tebes ba Timor-Leste tanba haree liu ba lei protesaun konsumidór nian, maibé ba governasaun ida ne’e tenki pendenti tanba respeitu pedidu hosi Prezidenti Repúblika Francisco Guterres Lú Olo.

“Institutu ida ne’e importante tanbá haree ba kontrolu kualidade sasán nian, área metrolojia nian, área laboratóriu mikro biolojia no iha buat barak tan maibé labele aprova.” Constâncio Pinto esplika

No dehan, parte MKIA sei entrega fali lei refere ba Primeiru-Ministru depois prepara hodi entrega ba Governu foun ne’ebé mak sei mai.

(Jornalista : Maria Auxiliadora, Editór : Manuel Pinto)

HUSIK IDA HATÁN