KM Nomeia Rosario Maia Lidera Agênsia TATOLI

0
460
Prezidente Konsellu Diretivu TATOLI-Agência Noticiosa Timor-Leste I.P, Rosario da Graça Maia

DILI (TATOLI)—Konsellu Ministrus ohin, Tersa (11/07) iha Sala de Reunião Palásio Governu nomea ona Prezidente Konsellu Diretivu TATOLI-Agência Noticiosa Timor-Leste I.P, Rosario da Graça Maia ba mandatu tinan haat, Nomeasaun aprova ho Resolução do Governo.

Prezidente Konsellu Diretivu TATOLI-Agência Noticiosa Timor-Leste I.P, Rosario da Graça Maia

Proposta Rezolusaun Governu nian ne’e, mai hosi Sekretáriu Estadu Komunikasaun Sosiál, nuudar membru Governu Tutela, no aprezenta iha Konsellu Ministrus hosi Ministru Estadu Prezidensia Konsellu Ministru, ho kandidatu uniku no hetan apresiasaun máximu hosi Konsellu Ministru, tanba Konsellu Ministru   konsidera no rekoñese mós kapasidade téknika no jestaun, esperiensia, senioridade no imparsialidade hosi Rosario da Graça Maia.

Nu’udar Prezidente Konsellu Diretivu Ajensia TATOLI, Rosario da Graça Maia, sei ezerse ninia funsaun efetivamente iha Janeiru 2018. Maibé pesoal nomeidu ne’e, sei akompaña iha prosesu preparasaun ba elabora agênsia TATOLI ninia programas, atividade no estrutura orsamentu tinan 2018 nian hamutuk ho gabinete membru Governu ne’ebé tutela iha area komunikasaun sosial-SEKOMS iha tinan ida ne’e nia laran.

Rosario da Graça Maia, agora dadaun ho tinan-40, Estadu Sivíl Kaben Nain, Moris iha Lete- Foho, Ermera 10 Outubru 1977.

Tinan 2010 akaba Lisensiadu Relasaun Internasionál husi Universidade da Paz-UNPAZ (Fakuldade Siénsia Sosiál no Umaniora), maibé antes ne’e, iha tinan 1996 to’o 1999 tur mós iha banku eskola ba Fakuldade Agrikultura (Agribusiness) Universidade Udayana Denpasar Bali–Indonézia (La remata tanba referendum 1999)

Esperiénsia Profisionál-Organizasaun iha tinan 1996, Rosario da Graça Maia, sai mós membru ba organizasaun massa estudante  RENETIL (Resistencia Nacional dos Estudantes de Timor-Leste) – Uner Aitana, Bali.

Tinan 1997, Journalist Bulletin Loriku Lian (Bulletin RENETIL), 1999 – 2001,  UNTAET Language Assistant, 2001 – 2002 Jornalista Radio UNTAET, 2001 Jornalista Radio Timor-Leste no Membru Asosiasaun Jornalista Timor Lorosa’e-AJTL.

Iha tinan, 2002 – 2013 asume kargu Xefe Seksaun Notísia Distritu Radio Timor-Leste, 2003-2006 Xefe Departamentu Programasaun- Radio Timor Leste, 2005-2007 sai Xefe Divizaun Relasaun Internasionál AJTL.

Periodu 2006 to’o 2007 Media Alerts Stringer (SEAPA –South East Asia Press Alliance), 2005-2006 – Diretór Programasaun no Edukasaun Komunitária Radio Televizaun Timor-Leste (RTTL), 2006-2009 – Diretór Radio Timor Leste.

Sai mós Diretór Programasaun Radio Televizaun Timor-Leste, Empreza Publika, iha tinan 2010 to’o 2012, no tinan 2013-2014 Asesór ba Projetu Meius Komunikasaun Sosiál – Sekretaria Estadu Komunikasaun Sosiál (SEKOMS).

Aktualmente Prezidenti Konsellu Diretivu TATOLI asume knaar nu’udar Espesialista Mídia ba Embaixada Estadus Unidos Amerika (EUA) iha Dili, Timor-Leste.

Iha parte kapasitasaun ba an rasik, Rosario Mai hahú iha tinan 1995 hodi tuir English Language Training International– ELTI iha Yogyakarta, tinan hanesan mós aprende kona-bá Computer Course (Microsoft Word,Excel and Power Point) iha Yogyakarta.

2001 – Basic Journalism Training – Radio UNTAET, Cool Edit Training – Radio UNTAET. Tinan 2003 Radio and TV Management and Programing design–AIBD, Malaysia, 2003 Radio and TV Management Training–Radio 68H Jakarta–Indonézia, 2004 International News Coverage training –Understanding European Union, Melbourne –IPJC, Australia, 2005 TV News production and presentation Training – Hanoi, Vietnam (Vietnam Television- VTV), 2006 Leadership Training–RTP, RTTL, Dili, 2006 – Media Alerts Training – SEAPA,Thailand, 2007 – Media Law training for Broadcasters and Journalist, AIBD–Malaysia.

2007–Understanding the United Nations–Fredrick Ebert Stiftung-FES New York, USA, 2008 – Australian Leadership Award -Managing Newsroom in post conflict situation–IPJC–Melbourne Australia, 2009–Enhancing Journalism for Democratic Governance in Emerging Democracies in Asia UNESCO (Bangkok, Thailand), 2010–The strategic of Media in Crisis Management –The U.S. Pacific Center for Security Studies (Jakarta, Indonesia).

2015–Social Media Practitioners Training–U.S. Foreign Service Institute (Bangkok,Thailand), 2016–Visual Diplomacy: Photo and Video-U.S. Foreign Service Institute (Bangkok,Thailand), 2017–Website content design and management-U.S. Foreign Service Institute-U.S.International Information Program (IIP), Washington, D.C.

(Ekipa Kobertura)

HUSIK IDA HATÁN