KFF Kuda tan Ai-Parapa 200 Resin

0
29
KFF Selebra Loron Internasionál Ai-Parapa Ho Kuda Ai-Parapa iha Hera. Foto/KFF

DILI, (TATOLI) – Konservasaun Flora no Fauna (KFF) ho inisiativa rasik kuda mangrove 200 resin iha área Hera hodi selebra loron internasionál ai-parapa ne’ebé monu iha dia 26 jullu 2017.

Loron importante ne’e, KKF hamutuk ho estudante Universidade Nasionál Timor Lorosa’e (UNTL), departamentu Biolojia ne’ebé sai hanesan voluntária ba organizasaun ne’e hala’o mini atividade hodi kuda ai-parapa ne’ebé hahú menus.

Diretór Ezekutivu KFF, Agostinho Soares de Araújo hatete relasiona ho loron ne’e hodi haree ba ezisténsia ai-parapa ne’ebé menus tanba konsiénsia ema ne’ebé hela besik área tasi nian no ladún hatene ezisténsia mangrove nian, nune’e KFF hakarak atu disemina informasaun sobre funsaun no benefísiu husi ai-horis ne’e.

“Atu nune’e sira mós bele hatene hodi bele salva no kuidadu ai-horis ida ne’e ba tempu naruk para labele hetan ameasa no lalika halo loron ida ai-horis ne’e mohu, konservasaun iha hanoin atu hatutan ba komunidade sira iha zona kosteira hodi sira hatene funsaun ai-horis ne’e”, dehan Agostinho iha Kampung Baru, ohin.

Agostinho esplika, ai-parapa iha funsaun mak hanesan salva guarda katak nia hafahe entre tasi no rai-maran no redúz laloran wainhira boot tanba sei hamenus velosidade tasi nian, signifika salva ona ema sira ne’ebé hela besik tasi.

Aleinde ne’e, ai-Parapa iha parte ekonomia nia mak haki’ak ikan, kadiuk, boek no fasil tebes ba peskadór sira atubele bá kail hodi bele fa’an ka konsumu no funsaun seluk mak ekolojia ka fatin ba animál sira iha tasi laran no sai hanesan sira-nia habitat hodi prodús sira-nia populasaun animál tasi nian. 

Jornalista: Maria Auxiliadora

Editora: Rita Almeida

HUSIK IDA HATÁN