Isabel Husu Lú Olo promulga Dekretu Konsellu Kombatente

0
68
Isabel Amaral Guterres

DILI (TATOLI)-Ministra Solidaridade sosiál Isabel Amaral Guterres hein katak, antes mandatu VI governu konstitusionál Prezidente Repúblika (PR) Francisco Guterres Lú Olo promulga ona dekretu governu kona-bá estabelesementu Konsellu Antigo Kombatente Libertasaun Nasionál.

“Espera Prezidenté repúblika Francisco Guterres Lú Olo sei promulga antes mandatu governu ramata,” Isabel informa ba Agênsia TATOLI bainhira hasoru malu iha edifisiu Ministériu Solidaridade Sosiál, Kaikoli, foin lalais ne’e.

Iha oportunidade hanesan Isabel esklarese katak, durante nia mandatu iha VI Governu durante tinan 2 nia parte konsege prodús lei no dekretu lei iha área sosiais lubuk ida.

Lei hirak ne’e hanesan lei Protesaun Labarik, dekretu lei rejime kontributivu ba funsionariu publiku no setór Privadu, dekretu lei estabelesementu konsellu  antigu kombatente libertasaun nasionál no seluk tan.

Alende ne’e, Durante tinan rua, Nia parte mós kontinua hadi’ak prestasaun servisu hodi fó asintensia sosiais ba povu liliu programa Pensaun ba Veteranus, Subsidiu ba Idozus no invalides, nune’e mós programa ba feto faluk no oan ki’ak inklui seluk tan.

Entretantu, lei protesaun Labarik aprova ona generalidade iha Parlamentu Nasionál no oras ne’e sei iha Komisaun F Parlamentu Nasionál nia liman.

(Jornalista:Agapito dos Santos, Editór : Manuel Pinto)

HUSIK IDA HATÁN