Governu Sei Prosesa Bolseiru Inplikavél Ba Funsionariu MS

0
55
Foto google

DILI, (TATOLI) – Governu liuhosi Ministériu Saúde sei prosesa bolseiru ne’ebé termina estudu iha rai liur maibé fila mai lakohi aplika atu sai funsionariu públiku ba Ministériu Saúde (MS) nian.

“Ita boot sira finjidu atu la aplika sai profesionál saúde, ami la nonok tanba momentu imi ba eskola ita iha akordu maibé kuandu imi la halo tuir, lei mak sei regula imi”, hateten Vise-Ministra Saúde, Ana Isabel Soares iha salaun MS, Kaikoli hafoin emposadu sira asina termu aseitasaun foin lalais.

Nia reforsa, tinan 2015 to’o 2016 loloos iha 400 subsidiariu mak tenke asina termu aseitasaun maibé realidade mosu de’it 263.

Sira ne’ebé mak asina termu aseitasaun mak hanesan mediku espesialista ho kategoria junior nain lima simu termu aseitasaun, mediku jerál eh dentaria hamutuk 53, emfermeiru junior A1 hamutuk hitu, emfermeiru B1 hamutuk 26, emfermeiru dentaria junior B1 hamutuk 41, parteira junior A1 hamutuk 1, parteira junior B1 hamutuk 20, parteira junior A1 hamutuk 4, farmasista junior B1 hamutuk 39, analista A1 hamutuk 6, analista B1 0, radiolojista B1 0, medikal rekor junior B1 39 no reflasaun optika junior B1 hamutuk 2.

“Sira ne’ebé mak la marka prezensa ami sei prosesa tuir lei no akordu ne’ebé iha tanba momentu imi ba eskola iha akordu entre ho ministériu saúde liuhosi konsiderasaun, aprosimasaun familiár”, haktuir.

Akresenta, labele hakfodak bainhira tun hosi aviaun, polisia mosu iha aeroportu tanba akontese ona ba kolega sira balun maibé ema sente la vale.

Termu aseitasaun ba funsionáriu públiku tuan no foun ho kompozisaun hanesan tuir mai ne’e, iha área espesialidade hanesan médiku

Entretantu, totál funsionáriu públiku iha MS hamutuk 4.962, seidauk konta ho kontratadu 180.

Jornalista: Zezito Silva

Editora: Rita Almeida

HUSIK IDA HATÁN