Governu Halo Revizaun Polítika Nasionál ba Planeamentu Familiár

0
91
Karikatur Google

DILI, (TATOLI) – Governu liuhosi Ministériu Saúde (MS) halo revizaun polítika nasionál ba planementu familiár iha Timor-Leste liuhosi konsultasaun públiku iha MS Kaikoli, ohin.

“Ministériu saúde realiza workshop atu halo konsultasaun públiku liu-liu konfisaun relijioza sira atu fó hanoin ba polítika planeamentu familiár ne’ebé implementa ona iha 2004”, informa Vise Ministra Saúde, Ana Isabel Soares ba jornalista sira.

Ministériu durante ne’e infrenta dezafiu balun kona-ba limitasaun finanseiru ba implementasaun programa planeamentu familiár, maibé ho revizaun ne’e hatudu katak ema barak hakarak uza metodu naturál nu’udar meiu prinsipál ba planeamentu familiár Timor-Leste nian.

Família eh fen ho laen mak deside iha uma laran maibé polítika ne’e bazeia ba konsultasaun públiku signifika katak rezultadu ne’e atu sai polítika planeamentu familiár.

Kuandu ida ne’e aprovadu hosi ministériu saúde, ema hotu tenke kumpre liu-liu profesionál saúde no parseiru dezenvolvimentu sira interesadu atu dezenvolve saúde iha Timor-Leste partikularmente sira ne’ebé hakarak atu hala’o programa planeamentu familiár.

Polítika ne’e kontinua hodi promove koñesimentu familiár nian, oinsá sira bele halo planu ba sira nia família.

Enkuantu, labele promove de’it metodu modernu maibé promove liu ho meiu natureza ba inan feton sira, enkuantu, inan aman iha dever atu tau matan ba labarik sira nia saúde, edukasaun, morál hodi forma labarik sira sai sidadaun ida ne’ebé di’ak, kontribui ba nasaun ho etika ne’ebé di’ak.

Habelar asesu ba planeamentu familiár sai ona objetivu xavi ba saúde no programasaun dezenvolvimentu kuaze tinan 50. Planeamentu familiár liga hotu ho Metas Dezenvolvimentu Miléniu 8. (Planementu familiár hasa’e riku no reduz hamlaha (MDG 1); prolonga edukasaun (MDG 2); kapasita feto no feto foinsa’e sira (MDG 3); salva labarik-kiikoan sira (MDG 4); hadia saúde inan (MDG 5); prevene HIV pediatriku (MDG 6); reduz presaun ba ambiente (MDG 7); no promove parseria global (MDG 8).

Jornalista: Zezito Silva

Editora: Rita Almeida

HUSIK IDA HATÁN