Governu Garante Kualidade Buletim Votu

0
44
Primeiru Ministru, ohin hasoru malu ho Prezidente Repúblika iha Palásiu Prezidensiál Nicolau Lobato, Bairo Pite. Foto mídia GPM

DILI, (TATOLI) – Primeiru Ministru, Rui Maria de Araújo hateten garante  grafika nasionál sei prodús buletim votu ba eleisaun parlamentár ho kualidade ba votante sira.

Xefe Governu hato’o hodi hatan ba karta preokupasaun husi Prezidente Komisaun Nasionál ba Eleisaun ne’ebé haruka ba governu foin lalais.

“Ha’u kumprende  prekupasaun CNE, maibé husi pontu de vista apoiu logistiku ba prosesu eleisaun ne’e STAE nian, importante mak tenke halo sasan tuir lei, tantu gráfika nasionál ho STAE halo sasan tuir  lei ida ne’e tenke respeita”, dehan PM ba jornalista sira iha Palásiu Prezidensiál Nicolau Lobato, Bairo Pite, ohin.

Desizaun governu hodi hili  grafika nasionál tanba instituisaun estadu,  kapasidade atu imprime ho kualidade. Alende ne’e atu halo poupansa ba orsamentu jerál estadu.

“Grafika nasionál halo produsaun buletim votu  ho baze ba buat ne’ebé lei determina, ninia kualidade suratahan, imprisaun  no ninia kestaun seguransa ne’e la’o halo nusa ne’e governu tetu ona”, tenik.

Tuir relatoriu husi Sekretariadu Téknika Administrasaun Eleitorál, grafika nasionál sei halo imprisaun ba buletim votu hamutuk rihun atus hitu resin ne’ebé rejista ona iha baze de dadus STAE  hodi tuir  eleisaun parlamentár iha rai laran no rai liur.

Entretantu, hahú fim juñu halo ona imprisaun ba buletim votu no sei remata iha loron 14 fulan-jullu.

Jornalista: Agapito dos Santos

Editora: Rita Almeida

HUSIK IDA HATÁN