Governu Foun Mak Halo Diploma Subvensaun ParPol

1
289
Prezidente Komisaun Nasionál Eleisaun, Alcino Barris.

DILI, (TATOLI) – Prezidente Komisaun Nasionál ba Eleisaun (CNE-sigla portugés), Alcino Barris hatete governu foun mak sei halo diploma kona-ba subvensaun ba partidu polítiku (ParPol) ne’ebé konkore iha eleisaun lejislativa.

“Tuir lei kona-ba subvensaun ba partidu polítiku sira nia direitu hafoin eleisaun hotu no forma ona governu foun hafoin halo diploma mak foin ParPol sira bele hetan subvensaun ne’ebé konta ho dolar ida ekivalente ba votu ida”, esplika Prezidente órgaun eleitorál ba jornalista sira iha CNE, Kaikoli, ohin.

CNE husu ba partidu polítiku sira atu aprejenta eh justifika ida-idak nia votu iha eleisaun parlamentár 2017.

Nia hatutan, subvensaun ba partidu polítiku hotu iha kampaña eleitorál ho orsamentu mai hosi Estadu tuir lei eleisaun parlamentár númeru 9/2007.

CNE sei bolu partidu polítiku hotu tuir artigu 106 konstituisaun RDTL kuandu forma ona governu foun hafoin sira halo diploma kona-ba subvensaun ba partidu polítiku sira.

“CNE bolu partidu polítiku sira ne’ebé tuir artigu 106 tuir konstituisaun RDTL, liu-liu partidu mais votadu atu forma governu, kuandu labele forma mesak tenke halo koligasaun no sira harii ona governu foun mak foin halo diploma subvensaun”, haktuir nia.

Governu foun mak sei halo diploma ida maibé dadaun ne’e sei iha hela apuramentu nasionál ho definitivamente.

Entretantu, Partidu polítiku sira kompostu hosi Bloku Unidade Populár (BUP), Associação  Popular Monarquia Timorense (APMT), Kmanek Haburas Unidade Nasionál Timor-Oan (KHUNTO), Partido Esperança da Patria (PEP).

Partido Socialista de Timor (PST), Partido Desenvolvimento Popular (PDP), Congresso Nacional de Reconstrução de Timor-Leste (CNRT), Partidu Republikanu (PR), União Democrática Timorense (UDT), Partido Democrata Cristão (PDC), Movimento Libertasaun Povu Maubere (MLPM), Partido da Libertação Popular (PLP), Partido Democratico (PD).

Unidade Nacional Democrática da Resistencia Timorense (UNDERENTIM), Partido Unidade Desenvolvimento Democratido (PUDD), Partido Timorense Democrático (PTD), Partido Frente Mudansa, Partido Social Democrata (PSD), Centro Acção Social Democrata Timorense (CASDT), Partido do Desenvolvimento Nacional (PDN) no Frente Revolucionario do Timor-Leste Independente (FRETILIN).

Jornalista: Zezito Silva

Editora: Rita Almeida

1 COMMENT

  1. ATU RELATA DEIT, IHA ART.106 CRDTL, LALOS CNE MAKA ATU BOLU PARTIDOS POLITICOS NEBE HETAN MAIOR ACENTUACAO IHA PARLAMENTU. MAS PREZIDENTE REPUBLIKA MAKA SEI BOLU PARTIDOS SIRA NEBE HETAN ACENTUACAO IHA PARLAMENTU PARA ATU RONA SIRA NIA OPINIAUN. HODI NUNE PRESIDENTE MAKA SEI DECIDE HO NIA DIREITO DE PREROGATIVU ATU FO KOMPETENCIA BA PARTIDU IDA NEBE MAKA ATU UKUN. MAIS PRIMEIRU DE TUDU PREZIDENTE REPUBLIKA SEI RONA ULUK MAKA PARTIDU NEBE HETAN ASENTUASAUN BARAK LIU IHA PARLAMENTU, DEPOIS DE FO SAI RESULTADU FINAL HOSI TRIBUNA REKURSU HANESAN TRIBUNAL BA DISTANSIA UKUS LIU.

HUSIK IDA HATÁN