“Garante Kréditu” Sei Lansa Iha Agostu

0
268
Abrão Vasconselos

DILI (TATOLI)-Governadór Banku Sentrál Abrão de Vasconselos informa, banku Sentrál sei hahú implementa sistema garantia Kréditu ba setór privadu ho kategoria Empreza ki’ik no medíu iha fulan agostu 2017.

ʺBanku sentrál Preparadu atu implementa se iha posibilidade iha fulan agostu hahu implementa ona sistema garantia Kréditu,ʺ Abrão de Vasconselos informa ba jornalista sira hafoin hasoru malu hosi Primeiru Ministru, Rui Maria de Araujo, iha Palasio Governu, Kuarta (26/07).

Abrão de Vasconselos informa mos ba Primeiru Ministru planu Banku Sentral no relata progresu preparasaun liuliu prosesu Banku Sentrál finaliza prosedementu legál kona-ba sistema garantia  Kréditu no konsulta ona ho banku Komersiál sira hanesan Banku Nasionál Comersiu Timor –Leste, Banku Mandiri, Banku Nasionál Ultra Marino-BNU no seluk tan  hodi hahú implementa politika garantia kréditu.

Iha prosedementu ne’e, Banku Sentrál propoin  atu Banku Komersial sira hatun taxa Juro menus husi prosentu 6 tanba antes ne’e taxa juro prosentu 10 to’o 18.

ʺIta hakarak taxa de juru ida ne’ebé rajuavel no ki’ik oan para fasilita ema asesu ba Kréditu no banku sentrál Propoin ninia jaminan, ʺ Governador hatutan.

no dehan Banku Komersiál sira intersante atu fó kréditu ba setór privadu sira no konkorda ho hanoin atu hatun juro

Entertantu iha Sesta (28/07) Banku sentrál sei kontinua  haló enkontru konsultivu ida ho Cãmara Comérsiu Indústria Timor Leste no Banku Komérsial sira iha Hotél Novo Turismo Dili.

Hafoin konsultasaun ne’e Banku Sentrál hahú lansa sistema garantia Kréditu  ba públiku  hodi fó ona asesu kréditu  ba setór Privadu.

iha parte seluk Governu iha tinan 2017 aprova milloens 4  hodi fasilita kréditu ba setór privadu no sei ezekuta husi Banku Sentrál.

Primeiru Ministru Rui Maria de Araújo hateten, politika sexto Governu ne’e oinsa atu habi’it finasiamentu ba setór privadu  hodi dezenvolve a’an liutan.

Governu  aseita ho planu banku sentrál atu hahú implementa sistema garantia kréditu iha tempu besik.

(Jornalista:Agapito dos Santos)

(Editór : Manuel Pinto)

 

 

 

 

HUSIK IDA HATÁN