Funsionáriu Públiku Halo Desfile Hodi Komemora Loron FP

0
70
Prezidenti Komisaun Organizadora Komemorasaun Loron Nasionál KFP, Ancelmo Vitór Ximenes, orienta hela funsionáriu públiku sira molok hahú desfile. Imajen Ajénsia TATOLI/Xisto Freitas

DILI, (TATOLI) — Funsionáriu públiku sira hosi ministériu hotu-hotu hamutuk ho funsionáriu Palásiu Prezidénsia Repúblika, halo desfile (gerak jalan) hahú hosi Rotunda Prezidenti Nicolau Lobato Komoro to’o Palásiu Prezidénsia Repúblika Bairu-Pité hodi komemora Loron Nasionál Funsaun Públiku (FP) ne’ebé monu iha 15 jullu, tinan ne’e.

Funsionáriu públiku sira hahú daudaun desfile.

Atividade ne’e diriji hosi Palásiu Palásiu Prezidénsia Repúblika tanba Palásiu Prezidénsia Repúblika maka hanesan komisaun organizadora ba komemorasaun Loron Nasionál Funsaun Públika.

Prezidente Komisaun Organizadora ba Komemorasaun Loron Nasionál Komisaun Funsaun Públika, Ancelmo Vitór Ximenes hateten sira involve atividade desfile iha komemorasaun refere tanba hanesan ezersísiu ida hodi fó korazen ba funsionáriu sira para bele halo atendementu di’ak liu-tan tanba durante tinan ida resin sira (funsionáriu) halo atendementu parese túr metin iha fatin de’it.

“Atividade ne’e kada tinan konsideradu nu’udar atividade permanente ba komemorasaun Loron Nasionál Funsaun Públiku”, Ancelmo dehan ba jornalista sira iha Rotunda Komoro, Dili, tersa ne’e, hafoin abertura.

Atividade ne’e nu’udar jornada ida hodi lembra hikas saudozu Nicolau Lobato ho ninia maluk sira seluk ne’ebé durante ne’e husik hela buat ruma mai jerasaun foun sira.

Tema komemorasaun ba loron ida ne’e, “La’o tuir ain fatin saudozu Nicolau Lobato”.

Jornalista: Xisto Freitas

Editora: Rita Almeida

HUSIK IDA HATÁN