Frontéira TL-Indonézia Hein Verifikasaun Terenu

0
120
Vise Ministru Negosiu Estrangeiru no Koperasaun-MNEK Roberto Soares

DILI (TATOLI)—Vise Ministru Negosiu Estrangeiru no Koperasaun-MNEK Roberto Soares informa, negósiasaun Frontéira Tréstre entre Timor-Leste ho Indonézia iha área Citrana no Pasábe Oecuse, hein de’it ona ekipa tekñiku nasaun rua atu tun ba terenu hodi verifika liutan liña.

“Segementu rua iha pasábe no Citrana bazikamente hein de’it ekipa tekñiku nasaun rua atu tun ba terenu hodi verifika liutan liña ne’e tuir akordu Olanda ho Portugal iha 1904,ʺ Roberto informa ba Jornalista Sira iha Edifisiu MNEK, Praia dos Coqueiros, Segunda (10/07).

Tuir Roberto, estadu rai rua  hetan ona konkordansia atu rezolve segmentu rua ne’e,  baseia ba akordu ne’ebé Ólanda no Portugal estabelese iha Tinan 1904. Tanba antes mandatu sextu Governu sei finaliza prosesu tomak ne’ebé iha kona-bá fronteira entre rai rua ne’e.

ʺIta tama iha fazé kampaña, entaun atividades ne’e tenki adia to’o eleisaun hotu maka ita haree sei iha tempu atu finaliza antes atu tama ba governu foun, ʺ Roberto subliña.

No dehan, se bainhira sexto governu la konsege finaliza prosesu negósiasaun sei entrega ba governu foun hodi finaliza prosesu ne’e antes tinan 2017 remata.

Antes ne’e, iha Ótel Novu Turismu, loron 6 Abril 2017, parte Timor-Leste kompostu hosi Eis-Primeiru Ministru Mari Alkatiri no sel-seluk tan no parte Indonézia kompostu hosi eis-ministru negósiu estranjeiru Hassan Wirayudha  ho nia delegasaun realiza enkotru hodi diskuite kona ba kazu refere.

Enkotru entre ekipa negosiador sira ikus mai diside hosi kontinua enkotru iha Bandung, Indonézia iha loron 20 Abril 2017 hodi foti desijaun hamutuk kona-bá fronteira Noel basi/Citrana, Oecusse.

Iha desijaun ne’e parte rua konkorda malu tanba desijaun foti bazeia ba prinsipiu win win solution.

(Jornalista:Agapito dos Santos, Editór : Manuel Pinto).

HUSIK IDA HATÁN