EUA Kongratula Eleisaun Pasífika Timor-Leste

0
64
Bandeira US Department of State, Diplomacy in Action.

DÍLI, (TATOLI)-Estadu Unidu Amérika (EUA) kongratula povu Timor-Leste ba realizasaun eleisaun parlamentár iha 22 jullu ne’ebé la’o pasífika tebes.

Haktuir komunikadu US Department of State, Diplomacy in Action, ne’ebé ajénsia Tatoli asesu, ohin.

Komunikadu imprensa

Konkista ida ne’e reprezenta marka importante iha Timor-Leste, demokrasia joven. “Ami aplaus ba partisipasaun partidu polítiku sira no ba oin ami hakarak serbisu ho governu foun,” relata komunikadu ne’e.

EUA louva orgaun eleitorál Timor-Leste ne’ebé lidera no jere prosesu eleitorál ho di’ak. Kredível no akuntável ba ema hotu. EUA mós apresia partisipasaun forte husi observadór doméstika no internasionál sira durante eleisaun.

“Timor-Leste no Estadu Unidu kompartilla valór no prinsípiu barak no ba oin ami hakarak hametin ita-nia parseria,” hakotu komunikadu ne’e.

Entretantu, antes ne’e, ONU (Organizasaun Nasaun Unida) mós apresia maturidade polítika Timor-Leste nomós Uniaun Europeia louva servisu CNE (Comissão Nacional das Eleições) ho STAE (Secretariado Técnico da Administração Eleitoral).

Informasaun relevante, asesu iha:

https://www.state.gov/r/pa/prs/ps/2017/07/272840.htm

Jornalista: Rafy Belo

HUSIK IDA HATÁN