Eleisaun Susesu Ka La’e Depende Ba Partisipasaun

0
57
Acilio Manuel Branco halo intervensaun semináriu kona-ba “Feto nia votu determina futuru nasaun nian” iha Timor Plaza ohin. Kinta (6/7). FOTO STAE

DILI (TATOLI) – Diretór Jerál Sekretariadu Tékniku Administrasaun Eleitorál (STAE), Acilino Manuel Branco hatete, presiza konsiénsia hosi sidadaun (eleitores) liu-liu feto sira iha partisipasaun hodi determina futuru nasaun Timor, liu hosi votu iha elisaun parlamentar loron 22, Jullu.

“Determinasaun ba susesu eleisaun presiza ema hotu nia kontribuisaun liuhosi konsiénsia atu hola parte iha eleisaun lejislativa ne’ebé susesu ba futuru nasaun nian,” Acilio Manuel Branco deklara iha nia intervensaun semináriu kona-ba “Feto nia votu determina futuru nasaun nian” iha Timor Plaza ohin. Kinta (6/7).

Nia hatutan, orgaun eleitorál labele la’o mesak tanba ne’e presiza ema hotu nia partisipasaun bele garante eleisaun ho susesu ne’ebé konsientivu hosi ema hotu liuliu fote sira.

Semináriu ne’e hetan partisipasaun másimu hosi feto hamutuk atus rua resin liuhosi organizasaun feto hanesan Fundasaun CAUCUS, PATRIA, MOFFE no AFEDIL. Atividade ne’e finansia hosi Governu Japan no Korea Sul liuhosi LEARN-UNDP iha Timor-Leste.

Entretantu, Diretór orgaun eleitorál (STAE), Acilino Manuel Branco hamutuk ho Responsavel UNDP Electoral Project, Andres Dell Castillo hala’o abertura ba semináriu kona-ba “ Feto nia Votu Determina Futuru Nasaun nian”

Iha parte seluk Diretór Empreza Nasionál Jaime Fernando dos Mártires Carvalho Correia infoma tan katak, iha semana ida ne’e sei harahun buletin votu buradu ba elisaun parlamentar durante prosesu imprisaun.

(Jornalista : Zezito Silva-Agapito dos Santos, Editór : Manuel Pinto).

HUSIK IDA HATÁN