Difikuldade Asesu Merkadu Hamosu Projetu Ekoturizmu

0
114
Ezemplu eko turizmu ne'ebé dezenvolve hosi SEPFOPE.

DILI, (TATOLI) – Diretór Nasionál Merkadu Turizmu no Relasaun Internasionál (DNMTRI), José Dias Quintas hateten projetu ekoturizmu ne’ebé mosu iha 2016, hatan difikuldade asesu merkadu.

“Dezafiu iha Timor-Leste konaba ekoturizmu baze komunitária mak asesu ba merkadu tanba komunidade laiha rekursu hanesan osan no rekursu umanu atu promove no halo promosaun negósiu ba alojamentu, restaurante, transporte lokál nomós produsaun artezenatu”, informa ba jornalista sira iha konferénsia imprensa iha Sentru Konvensaun Dili, horseik.

Projetu ne’e apóiu hosi organizasaun mundiál turizmu nasoen unidas nian (UNWTO–United Nation World Tourism Organization).

Nasaun hanesan membru iha 2005, hetan orsamentu hosi projetu ne’e hamutuk US$100,000 husi governu koreanu liuhosi Ministériu Kultura, Desportu no Turizmu koreanu. Orsamentu US$30,000 aloka ba peskiza, US$28,348 halo website no brosura.

Item ba projetu ne’e mak pezkiza, programa ToT (treinamentu ba treinadór sira), treinamentu ba munisípiu, semináriu nasionál konaba ekoturizmu base komunitária, estabelesimentu web no halo brosura.

Hosi peskiza maka haree lalaok no dezenvolvimentu ekoturizmu iha Timor-Leste liu-liu akomodasaun no kualidade.

“Teknikamente ita ko’alia kona merkadu no promosaun, produtu di’ak mak foin ita promove, produtu ladiak ita promove sei afeita iha imajen”, hatutan.

Enkuantu programa ToT, ema sira husi Ministériu Turizmu Arte no Kultura, ensinu superior Dili Institutu ba Teknolojia no organizasaun naun govermentál ho naran Haburas, jerasaun foin sae no husi universidade nasionál. Ema 12 , UNWTO fó treinamentu no agora sira iha kapasidade no fó treinamentu fali ba munisípiu sira.

Nune’e mós treinamentu ba munisípiu foka liu ba hadi’a programa, kondisaun atu halo promosaun. Treinamentu hala’o iha munisípiu Ainaro, Baukau, Viqueque, Lautem, Liquisa no Bobonaru.

Semináriu nasionál konaba ekoturizmu base komunitária, merkadoria ekoturizmu baze komunitária ho objetivu fó idéia ba malu ho setor privadu sira, parseiru dezenvolvimentu, akademia para promove ekoturizmu base komunitária.

Ikus mai mak estabelesimentu web, tanba globalizasaun internet efetivu tebes maibé ba peskiza ema hotu asesu ba internet entaun website ne’e para ema husi rai liur mós bele asesu direitamente.

Nune’e mós brosura, ne’ebé  tipu haat ho kontiudu promosaun no akomodasaun, gia konaba itenelaria ba fatin sira iha rejiaun tolu sentrál, osidentál no orientál. 

Jornalista: Julia Chatarina

Editora: Rita Almeida

HUSIK IDA HATÁN