Desportu-Mobilidade Joven Sai Ajenda CPLP

0
32
Ilustrasaun CPLP

DILI, (TATOLI) – Programa “embaixadores do Desporto da CPLP” no mobilidade joven sai ajenda debate iha reuniaun ministeriál juventude no desportu CPLP (Comunidade dos Países da Língua Portuguesa), haktuir nota afirmativa CPLP, ohin.

Debate ne’e sei hala’o iha sidade Caminha, Portugal, iha 28 to’o 30 jullu, loron ba konferénsia da-X ministeriál juventude no desportu CPLP nian.

Tuir ajenda iha 28 jullu halo preparatóriu ba komisaun desportu kona-ba projetu sira hanesan programa “Embaixadores do Desporto da CPLP”, programa rádiu no TV kona-ba desportu iha komunidade no jogu desportivu iha CPLP.

Nune’e mós, sei halo pontu situasaun kona-ba asaun estruturada ba juventude, dezenvolve modelu ba konstrusaun planu foun asaun ba foinsa’e no diskute kona-ba kestaun mobilidade joven sira entre komunidade  sira iha estadu membru organizasaun luzófona ne’e.

Iha 29 jullu, diretór jerál sira ne’ebé tutela husi estadu membru sira sei hala’o diálogu entre ministru ho fórum juventude CPLP nian no sei hala’o mós vizita ida ba eventu da-VII bienál joven kriadór CPLP, iha Vila Nova de Cerveira.

Iha 30 jullu, nu’udar loron ba konferénsia da-X, ministeriál juventude no desportu CPLP. Iha abertura, sei  prezidente Câmara Municipal de Caminha, Luís Miguel Alves, prezidente konferénsia, Ministru edukasaun Portugal, Tiago Brandão Rodrigues no sekretária exekutiva organizasaun luzófona, Maria do Carmo Silveira.

Hafoin abertura, tuir nota afirmativa CPLP informa katak partisipante sira ne’ebé partisipa iha konferénsia ne’e sei halo diskusaun kona-ba mobilidade joven sira iha CPLP, revé prinsípiu dezenvolvimentu iha komunidade, identifika konkluzaun reuniaun husi komisaun no projetu asaun estruturada ba juventude CPLP.

Entretantu, ministeriál juventude no desportu CPLP kompostu husi estadu membru organizasaun ne’e hanesan Angola, Brasil, Cabo Verde, Guiné-Bissau, Guiné Equatorial, Moçambique, Portugal, São Tomé e Príncipe no Timor-Leste .

Jornalista: Rafy Belo

Editora: Rita Almeida

HUSIK IDA HATÁN