CNRT Lakon Nia Militante Di’ak Ida

0
194
Matebian Domingas dos Reis.

DILI (TATOLI)– Sekretáriu Jerál Partidu Congresso Nacional Reconstrução de Timor-Leste (CNRT), Francisco Kalbuady Lay sente triste tanba partidu CNRT, horseik, Tersa (18/07)  lakon nia militante di’ak ida, bainhira partisipa enseramentu kampaña iha Tasi Tolu nune’e estrutura hato’o sentidu kondolénsia ba família matebian Domingas dos Reis ne’ebé hakotu nia iis.

Sekretáriu Jerál Partidu CNRT, Francisco Kalbuady Lay vizita uma no família matebian iha Maleuana.

Iha loron 18 fulan-Jullu 2017, partidu boot ne’ebé funda husi Kay Rala Xanana Gusmão ne’e, hala’o kampaña aberta iha Tasi-Tolu ne’ebé partisipa husi militante partidu ne’e maibé antes komísiu ne’e hahú partidu lakon uluk nia militante ida ne’ebé lakonsege salva nia moris tanba besi karreta ho marka kijang hanehan matebian iha rotunda Komoro nian.

“Ita hotu lakon ema di’ak ida, ne’e como asidente ida, ita hotu-hotu laespera maibé partidu sei fó atensaun ba ida ne’e, ami sei ajuda malu no lalika promote buat ida tanba ida ne’e Maromak mak hatudu ona dehan dalan ne’e bá nia ona, tanba ne’e ita hotu reza, fó orasaun ba ita-nia belun ida ne’e bele deskansa ho di’ak no deskansa ho pás,” Sekretáriu Jerál ne’e hato’o iha uma matebian Manleuana, ohin.

Família no maun boot matebian, Estralino Martins  hatete matebian sai husi uma iha tuku 12.00 meudia hamutuk ho militantes sira bá fatin ne’ebé atu fó hatais ba Prezidente Partidu iha Manleuana, hafoin tuku 2.00 arranka bá Tasi-Tolu ho komboiu karreta.

“Iha Lider nia tanba karreta barak liu nune’e polísia fó dalan ba ami, hakarak Prezidente tenke liu lalais para bá Tasi-Tolu, entaun ami ultrapasa no kontra tiha hodi halai fali dalan liman loos nian tanba ami iha urutan ketujuh entaun Prezidente tama mai, ami mós tama tuir de’it. To’o iha bundaran Nicolau Lobato nian tanba rame liu, balun tara-aan iha besi leten, balun tuur entaun fila bá karuk atu bá Tasi-Tolu tanba todan ba sorin besi tohar, ” Matebian nia maun konta.

Matebian ne’e tuur iha karreta kotuk liu nune’e besi ida ne’ebé solda iha kotuk kauza husi ema tabele todan liu maka baku loos ba matebian nia hirus-matan karuk no nia ulun baku uluk ba karreta nia kotuk hafoin monu sai ba estrada.

Kondutór hatene nune’e karreta nia para metin kedan, sé karreta mak halai no baku fila entaun mate barak. matebian nia maun tahan tiha besi maski hetan pankada mas nia tuun no diretamaneta husu ajuda ba komandante polísia ne’ebé iha oin no komadante rasik foti karreta tula kedan bá Sentru Saúde Komoro maibé to’o iha ne’ebá tau soru no oksigen labele entaun telefone ambulásia foti bá emerjénsia no minutu 16 matebian husik iis.

Ho akontesimentu ne’e estrutura Partidu CNRT hasoru kedan família matebian bainhira mate isin sei iha ospitál. Maibe Partidu lapromete buat ida no matebian nia maun rasik lafó todan no kulpa ba partidu maibé sira mós sai nu’udar koordenadór no militante ba partidu ida ne’e husu de’it partidu nia apoiu.

“Hodi kalan sira apoiu, tanba ha’u mak maun boot nune’e ha’u mak simu duni osan U$1.350 hodi sosa kaixaun,” Estralino haktuir

Hodi dehan tan, partidu promote sei responsabiliza to’o hakoi mate isin.

(Jornaslita : Maria Auxiliadora, Editór : Manuel Pinto)

HUSIK IDA HATÁN