CNRT Kontinua Hakuak Forsa Polítika Hotu iha Governasaun Foun

0
289
Eis Sekretáriu Jerál Partidu Kongresu Nasionál Rekonstrusaun Timor (CNRT-sigla portugés), Dionísio Babo halo intervista ho jornalista sira iha Ensinu Primária Farol, Dili, sábadu dadér ne'e, hafoin ezerse ninia direitu votu. Foto Tatoli/Xisto Freitas

DILI, (TATOLI) – Eis Sekretáriu Jerál Partidu Kongresu Nasionál Rekonstrusaun Timor (CNRT-sigla portugés), Dionísio Babo hateten CNRT kontinua serbisu hamutuk ho forsa polítika hotu bainhira manán iha eleisaun parlamentár hodi kontribui ba konstrusaun Nasaun.

“Eleisaun rua tui-tuir malu (2007 no 2012) prova ona katak CNRT hakuak partidu hotu-hotu. CNRT kontinua hatudu maturidade polítika ba partidu hotu-hotu katak ita tenke serbisu hamutuk hodi hadi’a ita nia Nasaun no povu nia moris”, Dionísio hato’o informasaun ne’e ba jornalista sira iha sentru votasaun Eskola Primária Farol Dili, sábado dader ohin.

Kona-ba maturidade timoroan, kuadru superior CNRT ne’e informa índise demokrasia mundiál hatudu Timor-Leste nu’udar Nasaun ida ne’ebé demokrátiku liu iha Ázia iha era ida ne’e.

Nia esplika Timor-Leste demokrátiku liu tanba timoroan nia sivizmu ás teb-tebes. Indikadór maka eleisaun suku iha 2016, eleisaun prezidensiál iha fulan hirak liu-ba no kampaña eleisaun parlamentár hatudu katak laiha violénsia.

Jornalista: Xisto Freitas

Editora: Rita Almeida

HUSIK IDA HATÁN