Club de Madrid Hanorin Lisaun no Esperiénsia

0
133
Diskursu Xefe Estadu Francisco Guterres, Lú-Olo iha sorumutu meza-kabuar “Ba Ajenda Ida Demokrátika husi Jerasaun iha Ásia-Oseánia” iha salaun MNEC, Praia dos Coqueiros, Díli, horseik. Foto: GPR

DILI, (TATOLI) – Xefe Estadu, Francisco Guterres Lú Olo hateten Club de Madrid hanorin lisaun ne’ebé besik liu bá Timor-Leste nia-esperiensía nasionál ne’ebé ligadu ba balansu no kooperasaun husi jerasaun hothotu iha servisu ba ema barak nia di’ak.

Jerasaun uluk sira kontinua halo kontribuisaun ne’ebé labele troka ba Timor-Leste nia afirmasaun no konsolidasaun.

“Maibé jerasaun foun sira tenke hahú ona gradualmente foti responsabilidade rasik iha moris públiku”, akresenta iha intervensaun durante sorumutu meza-kabuar ba ajenda ida demokrátika husi jerasaun iha Ásia-Oseánia ne’ebé hala’o iha salaun Ministériu Negosiu Estranjeiru no Koperasaun (MNEK) Praia dos Coqueiros, horseik.

Hodi reforsa, transformasaun iha mundu la’o lalais, tenke apriende hamutuk. Demokrasia ne’ebé forte depende ba kapasidade atu halibur sidadaun, inspira no husik ba sira hakat atu foti responsabilidade iha espasu públiku iha nivel oioin.

“Hato’o ha’u nia obrigadu ba prezensa eselénsia sira hotu ne’ebé reprezenta sinál enkorajementu ba ami nia servisu hodi hametin ba bebeik no hamoris fila-fali timoroan sira nia demokrasia ne’ebé sei joven”, konklui.

Sorumutu ne’e hala’o durante loron rua no sei termina ohin. Partisipante mak eis-prezidente Indonézia, Susilo Bambang Yudhoyono, eis-primeiru-ministru Nova Zelandia, Jennifer-Mary Shipley, eis-primeiru-ministru Bhutan, Jigmi Youzer Thinley, eis-primeiru-ministru Nepal, Madhav Kumar no husi Timor-Leste rasik, eis-prezidente no primeiru-ministru, José Ramos Horta nomós konvidadu espesiál seluk tan.

Jornalista: Rafy Belo

Editora: Rita Almeida

HUSIK IDA HATÁN