Buletin Votu 850 Prosesu Imprisaun Atinje Porsentu 80

0
48

DILI (TATOLI)-Diretór Emprensa Nasionál Jaime Fernando dos Mártires Carvalho Correia informa, prosesu imprisaun buletin votu hamutuk 850 ba elisaun parlamentar 2017-2022 sura hosi loron lansamentu ba imprisaun iha loron 22 Juñu to’o ohin loron, Kuarta (04/07) atinje ona porsentu 80.

ʺIha loron 22  de juñu ita  halo lansamentu ba imprisaun  buletin votu no agora  ita tama ona ba semana ida resin  ne’ebé atíngi prosentu 80 husi total buletin votu rihun  850 tuir pedidu STAE, ʺ Jaime Fernando dos Mártires Carvalho Correia informa ba Ajensia TATOLI iha Colmera Dili, Kuarta (05/07).

Tuir nia buletin votu ne’ebé mak sira imprime sei intrega ba Sekretáriu Téknika Administrasaun Eleitorál (STAE) iha loron 14 Jullu 2017, maibé sira sei halo esforsu tomak hodi finaliza imprisaun iha loron 10 fulan ida ne’e, nune’e iha loron 13 SATE bele verifika hafoin fó ba SATE iha loron tuir mai.

Buletin Votu ne’ebé imprime sei halo tuir mós lei haruka hanesan utilizasaun surat tahan, iha prosesu ne’e Empresa Nasionál uza suratan HVS ho grama 80, tanba ne’e lalos bainhira Komisaun Nasionál Elisaun (CNE) dehan buletin votu la iha koalidade.

ʺSuratahan  HVS grama 80 ne’e ami importa husi Indonézia no rezulta imprisaun iha kualidade,  tanba ita iha ekipamentus alta teknolojia, ne’ebé balun sosa iha tinan 2015, 2016 no 2017,ʺ nia konta tuir.

Hodi dehan, Empreza Nasionál iha funsionariu 36 maka servisu durante oras 24 hahú loron 22 fulan Juñu to’o 14 fulan Jullu hodi garante koalidade buletin votus.

Funsionariu hirak ne’e simu mós orsamentu  subsidiu hosi governu ba empresa nasionál ho montante  $ 54 atu selu ba Funsionariu 36 ne’ebé servisu durante oras 24  hodi imprime  buletin votu.

ʺKada funsionariu ida hetan osan $ 1.500,ʺ Nia haktuir no dehan durante ne’e funsionariu hirak ne’ebé toma konta prosesu imprinsaun hela de’it iha sede empreza nasionál, Kolmera.

Entretantu, Polisia Nasionál Timor Leste husi Unidade Batalaun Ordem Publiku-BOP nain lima maka destaka iha fatin refere inklui seguransa sivíl.

(Jornalista :Agapito dos Santos, Editór : Manuel Pinto)

HUSIK IDA HATÁN