ANPM Sei Distribui Lisensa ba Kompañia Neen

0
41
Ezemplu armazenamentu kombustivel. Foto google

DILI, (TATOLI) – Tuir planu Autoridade Nasionál Petroleu no Minerai (ANPM), aban sei asina no distribui sertifikadu lisensa ba kompañia neen ne’ebé oras ne’e dadaun hala’o hela atividade downstream iha Timor-Leste.

Kompañia neen ne’ebé sei hetan lisensa mak Arjumar, EQ Fuel, Gilficac, Far Ocean, Andika Lima no Pertamina International Timor, SA (PITSA).

Tuir nota komunikadu ne’ebé Tatoli asesu ohin, informa, Arjumar, EQ Fuel, Gilficac no Far Ocean) sei hetan lisensa ba atividade komersializasaun kombustivel.

Entretantu, Andika Lima hetan lisensa ba instalasaun no operasaun postu abastesimentu kombustivel no PITSA hetan lisensa ba instalasaun no operasaun infrastrutura armazenamentu kombustivel.

Lisensa ne’e hetan, hafoin submete rekerimentu ba ANPM dirasaun Downstream nomos hetan inspesaun inklui selu taxa.

Atribuisaun ne’e sei entrega husi Prezidente ANPM, Gualdino da Silva iha edificio Downstream Farol iha tuku 10.00 ho presensa husi representante kompañia sira.

Jornalista: Agapito dos Santos

Editora: Rita Almeida

HUSIK IDA HATÁN