Xanana : Timor-Leste Sei Eziste Banku CPLP

0
215
MPIE, Kay Rala Xanana Gusmão

Dili, (TATOLI) – Ministru Planeamentu Investimentu Estratéjiku (MPIE), Kay Rala Xanana Gusmão informa, Timor-Leste sei iha banku Comunidade dos Paises da Lingua Portuguesa (CPLP).

“Ita susesu boot ba g7+ tanba investidór hosi Portugal atu investe mai Timor-Leste kona-ba kriasaun banku CPLP,” informa MPIE, Xanana Gusmão ba jornalista sira iha Aeroportu Internasionál Nicolao Lobato-Dili, horseik.

MPIE husu ba banku sentrál atu fo lisensa ba banku boot CPLP atu tama mai Timor-Leste, enkuantu emprezariu kiik sira iha osan, maibé barak liu hein osan no hala’o de’it projetu governu nian.

Ezistensia banku CPLP ne’e bazeia ba informasaun hosi sekretaria ezekutiva CPLP, Maria Do Carmo Silveira ba Xanana iha loron, 19 Maiu.

“Maibé ha’u hatan katak agora sei husu lisensa ba banku sentrál Timor-Leste,” Xanana konta tuir.

Ho dehan ho banku CPLP nia prezensa bele ajuda mós nasaun frajíl sira, enkuantu nasaun São Tome Prinsipe no Guine Bissaun iha buat barak, maibé la halo buat ida.

(Jornalista : Zezito Silva, Editor : Manuel Pinto).

HUSIK IDA HATÁN