UNTL iha ona Biblioteka Online

0
173
Vise-Ministra Edukasaun, Dulce de Jesus Soares bainhira partisipa iha talk show Ita-Nia Governu. Foto/António Gonçalves.

DILI, (TATOLI) – Vise-Ministra Edukasaun I, Dulce de Jesus Soares informa aselera siénsia no teknolojia bele ajuda iha bibliotenke online, infelizmente eskola iha Timor-Leste foin de’it iha Universidade Nasionál Timor Lorosa’e (UNTL) maibé eskola sira hanesan ensinu báziku, ensinu sekundáriu no pré-eskolár seidauk iha.

“Ita iha mak iha pré-eskolár ne’e, agora daudaun hahú ensinu báziku 200 resin eskola uza teknolojia hanesan telefone ipad, para ita bele kontrola profesór sira-nia asiduidade (kualidade ou karáter), pontualidade iha ka la’e”, Dulce relata iha Otél Timór, ohin.

Sobre ipad ne’ebé fó ba profesór sira, Ministériu Edukasaun download mós planu-de-aula sira, livru balun, atu profesór sira uza sira-nia ipad ne’e para hamenus uitoan kustu ba impresaun livru nian.

UNTL iha biblioteka online através kooperasaun ho Estadus Unidus Amérika (EUA) ho estabele Uma Amérika iha UNTL hanesan plataforma ba relasaun entre país rua ne’e.

Uma Amérika iha UNTL ne’e hanesan sentru ba asesu gratuita dedikadu para fahe kultura amerikana, promove inovasaun no interkámbiu nakloke ba informasaun entre EUA no Timor-Leste. Uma Amérika ne’e primeira biblioteka ho estilu amerikanu iha país, kombina ho espasu dezeñu alta teknolojia no plataforma ida atu asesu baze dadus sientífiku ida no peskiza aberta ba públiku.

Objetivu prinsipál Uma Amérika ne’e prepara espasu no peskiza ba estudante universitáriu, profesór, investigadór sira, ho asesu baze dadus kualidade Amérika, nomós informasaun kona-ba EUA. Espasu ne’e mós sei oferese millares revista no livru liuhusi biblioteka on-line.

Entantu husu sobre biblioteka online iha universidade privada, daudaun ne’e Vise-Ministra seidauk iha informasaun kona-ba ida ne’e.

Jornalista: Maria Auxiliadora

Editora: Rita Almeida

HUSIK IDA HATÁN