UNESCO Lansa Livru Edukasaun Ba  Mudansa Klimátika

0
40
Foto hamutuk hafoin lansamentu.

DILI, (TATOLI) – UNESCO (United Nations, Scientific and Cultural Organization) liuhusi nia diretór, Shabaz Khan ho embaixadora Malázia ba Timor-Leste, Chitra Devi V. Ramiah, ohin iha otel Novo Turizmu, ofisialmente lansa publikasaun kona-ba: “Edukasaun ba  Mudansa Klimátika iha Ázia Pasífika ba estadu ho illa ki’ik ne’ebé foin dezenvolve.

Diretór  UNESCO, Shabaz Khan hateten edukasaun ba mudansa klimátika ajuda aprende na’in sira hodi komprende no hatene  impaktu husi problema ambiente.

“Enkoraja aprende na’in sira hodi halo mudansa ba  sira-nia atitude no komportamentu”,  esplika diretór UNESCO.

Edukasaun ne’e hodi ajuda mós aprende na’in sira hodi komprende lala’ok mudansa klimátika nune’e bele kontribui ba moris no ajuda seguransa ekonómika  no oportunidade.

Illa ki’ik ne’ebé foin dezenvolve hasoru dezafiu ba sustentabilidade no dezenvolvimentu sustentável inklui problema mudansa klimátika, dezastre naturál, fornesimentu rekursu bee moos, frajilidade ekonómika no estrutura Sosiál.

“Edukasaun ba mudansa Klimátika iha ” frame” edukasaun ba dezenvolvimentu sustentável ne’e buat ida ne’ebé esensiál hodi responde mudansa sira ne’e”, reforsa.

Sekretária Jerál Komisaun Nacional Timor-Leste ba UNESCO, Angelina Sarmento hateten objetivu husi atividade ne’e atu promove liutan edukasaun ba  dezenvolvimentu sustentável liliu ministériu edukasaun.

“Hodi bele opta liutan enkuadramentu ida ne’ebé importante atu introduz edukasaun ne’ebé kualidade timoroan hotu”, hakotu.

Entretantu interveniente sira ne’ebé partisipa iha lansamentu ohin mak reprezentante husi Indonézia, Filipina, Brunei Darussalam no Malázia.

Livru ne’e lansa tanba apoiu hosi ministériu edukasaun, edukasaun Malázia, komisaun nasionál UNESCO Malázia, universidade kebangsaan Malázia inklui Malázia Funds-in Trust.

Jornalista: Rafy Belo

Editora: Rita Almeida

HUSIK IDA HATÁN