UE Iha Kompromisu Apoia Evolusaun Demokrátika iha Timor-Leste

0
59
Bandeira Uniaun Europeia

DILI, (TATOLI) – Xefe observadór eleitorál Uniaun Europeia (UE), Bilbao Barandica informa UE liuhusi Misaun Observadór Eleitorál (MOE) kontinua hala’o serbisu observasaun eleitorál iha momentu prinsipál ba kontestu polítiku Timor-Leste nian.

“Hatudu kompromisu UE nian hodi apoia evolusaun demokrátika iha nasaun ida ne’e”, hateten xefe obervadór ne’e liuhosi komunikadu UE diriji mai redasaun ajénsia Tatoli, ohin.

MOE UE sei halo analise ba kuadru legál, serbisu administrasaun eleitorál, atividade kampaña kandidatu no partidu polítiku nian, lala’ok media nian, votasaun no prosesu kontajen votu, prosesu ba keisa no petisaun, publikasaun rezultadu.

To’o iha parte ida ne’e, observadór sira sei hasoru malu ho funsionáriu governu no eleitorál sira no reprezentante husi partidu polítiku, judisiáriu sira, organizasaun sosiedade sivil no media.

Misaun ne’e hala’o ninia serbisu tuir “Deklarasaun Prinsipiu ba Observasaun Eleitorál Internasionál”, adopta iha Nasoens Unidas nia okos iha  2005.  Adisionalmente, observadór sei hala’o serbisu tuir Kódigu Konduta ne’ebé garante neutralidade iha sira-nia periódu serbisu tomak.

Misaun nia prezensa iha nasaun ne’e hanesan resposta ba konvite hosi Governu no autoridade eleitorál.  Hafoin eleisaun, misaun sei hato’o ninia identifikasaun liuhusi deklarasaun preliminariu ne’ebé sei públika liuhusi konferensia imprensa liu tiha loron rua hafoin eleisaun.

Xefe observadór, Bilbao Barandica sei aprezenta relatóriu final kompreénsivu inklui rekomendasaun tékniku ba prosesu eleitorál iha futuru, iha faze ikus, hafoin finalizasaun prosesu eleitorál.

Entretantu, misaun ne’e mai kompostu husi Membru Parlamentu Europeia no xefe Observadór ba UE nian durante eleisaun Prezidensiál, 20 Marsu.

Misaun ne’e inklui más ekipa prinsipál ida ho analista eleisaun na’in hitu ne’ebé to’o tiha ona iha Timor-Leste, iha loron 3 Juñu no sei hela iha Timor to’o prosesu eleisaun remata.

Iha loron 24 juñu, observador permanente (LTO) na’in 26 sei mai tan atu serbisu hamutuk ho misaun ne’e.

Hafoin, iha loron 27 juñu, sei koloka sira  ba iha munisipiu 13 iha Timor laran tomak ho responsabilidade atu hala’o serbisu hanesan observadór iha sira-nia area ida-ida.

Bainhira atu tama ba loron eleisaun, Delegasaun ida hosi Membru Parlamentu Europeu nian mós sei mai hamutuk ho misaun ne’e hodi asisti Eleisaun Legislativa.

Jornalista: Rafy Belo

HUSIK IDA HATÁN