TL Nia Progresu Implementasaun EDS

0
46
Sekretária Jerál Komisaun Nasionál UNESCO Timor-Leste, Angelina Sarmento.

DILI, (TATOLI) – Sekretária Jerál Komisaun Nasionál  UNESCO Timor-Leste, Angelina Sarmento informa Timor-Leste (TL) implementa ona atividade relasiona  ho Edukasaun ba  Dezenvolvimentu Sustentável (EDS).
Ba profisionál  komunikasaun sosiál sira iha otel Novo Turizmu, tersa (6/6) fó ezemplu katak atividade balun  ne’ebé TL halo ona mak hanesan formasaun ba profesór sira liliu iha siénsia no matemátika, to’os eskolár no eskola  verde ka eskola matak.

Formasaun siénsia no matemátika  ba  profesór sira mak introduz prátika ne’ebé uza materiál ka rekursu lokál ne’ebé antes ne’e ita-nia beiala sira uza husi jerasaun ba jerasaun.

To’os  eskola nu’udar programa ida ne’ebé hatama ona kurikulu Ministériu Edukasaun hodi introduz ba alunu primeiru no segundu síklu.

Seluk mak, eskola verde ka eskola matak nu’udar atividade ne’ebé inklui ona iha atividade ekstrakurikulár alunu nian ne’ebé introduz ba alunu terseiru síklu.

“Ida ne’e mak ita hanaran Edukasaun um ba Dezenvolvimentu Sustentável”, nia konklui.

Jornalista: Rafy Belo

Editora: Rita Almeida

HUSIK IDA HATÁN