TL-Austrália Realiza Reuniaun Konfidensial iha Kopenhaga

0
77
Foto espesial

DILI (TATOLI) – Delegasaun husi Timor-Leste no Austrália foin lais ne’e realiza reuniaun konfidensiál ho komisaun konsiliasaun iha Kopenhaga (Kapital Denmark) atu esplora sira nian pozisaun no identifika área possível husi akordu.

Reuniaun ne’e, halo parte husi diálogu estruturadu iha ámbitu konsiliasaun entre Repúblika Demokrátika Timor-Leste (TL) no komunidade Austrália (Austrália), iha termu konvensaun Nasoens Unidas konaba direitu tasi ne’ebé suporta husi Tribunal Permanente Arbitrajen (TPA). Ambitu ne’e, kontinua rezolve divergensias entre estadu rua relativamente ho fronteira marítima (ketan tasik) iha tasi timor.

Reuniaun konfidensial ne’e, akontese hafoin reuniaun antes entre komisaun no parte rua iha Singapura iha Outubru 2016 no Janeiru 2017, no iha Washington, DC iha Marsu 2017.

Parte rua no komisaun konkorda atu realiza reuniaun ne’ebé produtiva, parte ne’ebé iha laran bele reafirma ho sira nia esforsu atu hadia akordu relativamente ba ketan tasik.

Prezidente Komisaun Peter Taksoe-Jensen hateten durante semana ikus, komisaun bele haklean konesimentu reasiona ho interesse husi parte sira no kestaun sira ne’ebé lahanesan.

Konsidera boa vontade husi parte rua nia governu ne’ebé sira hatudu, será possível atu bele hetan akordu abranjente ida ba konflitu ne’e.

“Ita hotu hakarak servisu ho objektivu ida ne’e.” Peter Taksoe-Jensen haktuir no fo hanoin iha espektativas bainhira realiza reuniaun entre parte sira no komisaun, ne’ebé remata iha semana ikus. Komisaun preve katak sei kontinua iha medida boot, remata iha ambiente konfidensial ida, ho forma atu promove ambiente ida ne’ebé prinpísiu atu hetan susesu iha konsiliasaun, laiha prejuízu bainhira atu halo deklarasaun públikas.

(Jornalista: Julia Chatarina, Editór : Manuel Pinto).

 

HUSIK IDA HATÁN