Timor-Leste Agradese Apoiu Filipina-Singapura

0
90
Vise-Ministru Roberto Soares no Vise-Prezidente BDA Stephen Groff, iha Kuartel Jerál BDA, Manila. Foto MNEK

DILI, (TATOLI) — Governu Timor-Leste liuhusi Vise-ministru Negósiu Estranjeiru no Kooperasaun, Roberto Soares agredese Filipina no Singapura bainhira partisipa ASEAN Regional Forum Official Meeting ne’ebé hala’oiha Passay City, Filipina, tersa (24/5) liuba.

Líder Ofisiál Seniór Enkontru Forum Rejionál ASEAN. Foto MNEK

Agradese Filipina tanba apoiu nasaun ne’e hodi sai membru ASEAN (Association of South East Asean) nomós manifesta dezeju Timor-Leste nian hodi hametin no haboot liutan relasaun bilaterál entre nasaun rua.

Agradese mós ba Singapura tanba apoiu hodi adere ba organizasaun Aziatika ne’e.

Hatutan iha komunikadu ne’ebé Tatoli asesu, espresa prontidaun hodi partisipa iha atividade ASEAN nian nu’udar maneira ajuda liutan Timor-Leste, koñese didi’ak mekanizmu servisu.

Singapura no Filipina hatan kontinua fó apoiu tomak ba vontade hodi sai membru, kestaun la’os ‘tansa’ maibé ‘tempu’.

País rua ne’e mós espresa vontade hodi kontinua hametin liutan relasaun bilaterál.

Entretantu hafoin hasoru malu ho autoridade Filipina no Singapura, delegasaun hasoru malu ho delegasaun Nova Zelándia hodi diskute kona-ba kestaun rejionál no bilaterál.

Nova Zelándia hato’o mós dezeju susesu hodi sai membru ASEAN no Organizasaun Mundial Komérsiu. Nune’e mós hasoru malu ho autoridade sira Banku Dezenvolvimentu Aziátiku (BDA) nian iha Manila.

Enkontru ne’e, BDA apresia tebtebes nu’udar parseiru ida di’ak iha prosesu dezenvolvimentu. BDA nu’udar parseiru ne’ebé fó asisténsia téknika ba governu iha esforsu adezaun ba organizasaun aziatiku. Ho parseria entre governu liuhusi MNEK (Ministériu Negósiu Estranjeiru no Kooperasaun) ho BDA.

Parte rua konsege finaliza estudu kona-ba prontidaun adezaun iha setór ekonómiku no kontinua fó kapasitasaun ba ofisiál husi ministériu relevante ba setór ekonómiku nian.

Prezidénsia rotativa ASEAN nian iha 2018 mak Singapura.

Jornalista: Rafy Belo

HUSIK IDA HATÁN