Tasi iha Dezafiu Ekonómika

0
108
Profesór Doutór António Silva Ribeiro. Foto espesiál

DILI (TATOLI)— Profesór Doutór António Silva Ribeiro husi Universidade Lisboa hateten,  abordajen geopolítika no estratéjika seguransa marítima, ho persepetiva ne’ebé luan, tasi iha dezafiu natureza kulturál, dezafiu natureza diplomátika, dezafiu natureza ambientál, no sekuritária.

“Tanba pozisaun jeográfika no konfigurasaun geofráfika Timor-Leste nian,” hateten xefe estadu maior Armada Portugal, Almirante Antonio Silva Ribeiro bainhira halo oratio sapienta  iha Auditóriu Ministériu Defeza e F-FDTL, Fatuhada, Dili, kinta (29/06) iha siklu konferénsia Institutu Defeza Nasionál (IDN).

Profesór katedrátiku ne’e esplika, dezafiu kultura-geopolítika iha sentidu filozófiku relasionadu ho vida intelektuál, pensamentu krítiku no refleksivu no sentidu sosilójiku relasionadu ho estilu, métodu, valór materiál no bens morais.

Dezafiu kulturál-estratéjia katak alimenta mentalidade marítima nasionál (talent hodi uza tasi no benefísia interese nasionál) no fortalese vontade marítima nasionál (forsa immaterial no mobiliza sidadaun sira).

Dezafiu kulturál-afirmasaun indetidade, dezenvolve sentimentu, ideia, intelejénsia (hanoin no komprende) no dezenvolve kapasidade, atividade, patrimóniu kulturál no estilu moris.

Dezafiu diplomátiku-geopolítika iha aspetu rua mak hanesan nasaun dezenvolvidu sira afirma interese, provoka alterasaun direitu internasionál, konsidera aktu polítiku ho konsekuénsia ekonómika, adopta retórika igualitária tasi nian nu’udar rekursu komun.

Seluk, nasaun iha faze dezenvolvimentu sira reinvindika (klaim) autoridade, haree interese dezafiadu, hetan kapasidade reduzida, foti aliansa eksterna sekuritárias no iha difiesiente aplikasaun no fiskalizasun ba lei sira.

Dezafiu diplomátiku-estratéjia, restrinji esplorasaun ekonómika husi espasu maritime, jurisdisaun sei refleksu ba kapasidade eksplorasaun efetiva husi estadu no diferensiasaun husi superioridade sientífika, teknolójika no finanseira.

Kredibilidade katak reklama idaidak nia fronteira maritime hamutuk ho nasaun unida, dispoen kapasidade sientífika hodi prezerva interese nasionál no iha kapasidade atu okupa no uza espasu marítima nasionál.

Dezafiu ekonómiku-geopolítika iha kampu rekursu mariñu (última mina mundiál, nesesidade rekursu mariñu sa’e) no iha kampu atividade industriál no komersiál iha litorál (mosu konflitu interese oportunidade foun ligada ho nautika, peska, transporte marítimu, akikultura no seluk tan).

Dezafiu ambientál-geopolítika mak interasaun tasi ho rai, poluisaun no esplorasaun maka’as ba oseanu no bem estar  jerasaun futuru.

Dezafiu ambientál-estratéjia mak redusaun ba poluisaun iha tasi no evita depredasaun rekursu sira no uza mekanizmu internasionál hodi limita utilizasaun utilizasaun irasionál ba oseanu no regulamenta atividade industriál no marítima. Inklui, halo vijilánsia, fiskaliza no kontrola efeitu husi poluisaun.

Tuir mai, dezafiu sekuritáriu-geopolítika mak ameasa erosiva hanesan tráfiku droga, ema no arma kriminalidade transnasionál no ameasa sistemátika hanesan terorizmu internasionál.

Área vulnerabilidade hanesan estadu falladu, bee jurisdisionál, faixa kosteira, tráfegu maritime no seguransa portuária.

Dezafiu sekuritáriu-estrátejia mak reforsa kooperasaun internasionál (vijilánsia, komandu no kontrolu no partilla informasaun).

Reforsa kooperasaun internasionál hanesan adekua direitu internasionál, kria mekanizmu judisiál no uza forsa iha tasi.

Dezafiu sekuritáriu-seguransa katak adekua asaun sekuritária estadu nian iha tasi hanesan artikula planeamentu kapasidade públika, eksplora potensiál abordajen duplu uzu no koordena atuasaun diferente husi departamentu públiku.

Diretór IDN, Capitao-de-mar-e-guerra, Donaciano Gomes hateten, profesór doutór António Silva Ribeiro  fó persepetiva barak tebes kona-ba tasi, partilla esperiénsia, koñesimentu kona-ba tasi ne’ebé importante tebes ba ita Timor.

Nune’e mós ba ita-nia dirijente sira, sosiedade, governante, estudante no ita-nia media atu bele komprende oinsa mak serbisu maka’as kona-ba tasi iha ita-nia identidade.

Tasi ne’e, ita-nia identidade kulturál ida, tasi ne’e iha poténsia ekonómika atu dezenvolve, tasi iha kestaun ambiente atu ita proteje.

Tasi bele lori elementu, fatór barak ne’ebé barak ba ita hanesan rai independente ida, ita tenke fó importánsia ba tasi.

Entretantu iha konferénsia IDN ne’e, hetan partisipasaun husi autoridade timoroan sira inklui embaixadór no diplomata sira nomós universitáriu sira.

(Jornalista: Rafy Belo, Editór : Manuel Pinto)

 

 

 

HUSIK IDA HATÁN