SP/PALOP-TL Projetu “Ambisiozu”

0
139
Reprezentante embaixada Portugal

DILI (TATOLI)-Reprezentante embaixada Portugal, Daniela A. Pereira hateten, projetu Servisu Públiku PALOP no Timor-Leste (SP/PALOP-TL) liliu formasaun planeamentu estratéjiku governu elektróniku no jestaun projetu teknolojia informasaun nu’udar projetu ne’ebé ambisiozu tanba abranje área ne’ebé luan no temátika.

“Ezije nível finansiamentu hodi bele poténsia rezultadu ne’ebé boot. Abordajen estratéjika bazea ba atividade kondutór rua,” hateten reprezentante ne’e iha nia intervensaun iha Diresaun Nasionál Registu no e Notariadu, Colmera, Dili, ohin.

Atividade sira ne’e mak kria governu elektrónika língua portugeza hodi define kritéria no prátika di’ak sira ne’ebé poténsia iha futuru kontinuasaun husi plataforma partilla esperiénsia ne’ebé nasaun idaidak no kooperasaun ne’ebé bazea ba tutória dezenvolvida sira ne’ebé fornese meius matéria mínimu sira.

Seluk mak identifika no implementa iha nasaun projetu ki’ik iha domíniu governasaun elektrónika diretamente ligadu ho estratéjika nasionál ne’ebé la’o hela ne’ebé ekspoen no materializa intervensaun projetu nian.

Tanba ida ne’e, aprovadu iha janeiru 2016, “Projeto Nacional da Bilhete Identidade” ne’ebé ho objetivu jerál atu hadi’a no profisionaliza servisu atendimentu públiku nian iha rejistu no notariadu.

Formasaun ne’ebé mak ita hala’o iha ne’e halo parte iha planu formasaun transversál ne’ebé hanorin iha nasaun sira ne’ebé envolvidu.

Timor-Leste hala’o husi formadór sira mai husi Universidade do Minho no Universidade Nasaun Unida ba formasaun intensiva iha área planeamentu estratéjiku.

Atu konklui, reprezentante ne’e deseja susesu husi formasaun ne’e ba partisipante sira ne’ebé mai husi liña ministeriál sira inklui reprezentante husi gabinete prezidente repúblika ba formasaun planeamentu estratéjiku governu elektróniku no jestaun projetu teknolojia informasaun.

SP/PALOP-TL nu’udar projetu da-sanulu ba fundu europeu ne’ebé mak implementa no ko-finansia husi Instituto Camões, Institutu kooperasaun no língua ne’ebé mak hala’o iha 2014.

Nia objetivu mak hodi kontribui ba kualidade serbisu administrasaun públika hodi atende sidadaun no empreza sira liuhusi informatizasaun servisu públiku ne’ebé hanaran E-Governance. (Jornalista: Rafy Belo)//(Editor : Manuel Pinto)

HUSIK IDA HATÁN