Sensus Agrikultura MAP Preve Osan mil $60

1
54
Ministru Agrikultura no Peska, Estanislau Aleixo da Silva.

DILI (TATOLI)-Ministériu Agrikultura no Peskas (MAP) iha tinan ida ne’e, fulan Novembru sei implementa sensus agrikultura ba dahuluk nian nu’udar programa pilotu ida hodi hadi’a estatístika agrikultura nian.

Sekretáriu Ezekutivu Sensus Agrikultura, Ministériu Agrikultura no Peska (MAP), Claudino Ninas Nabains informa, ba implementasaun programa ne’e MAP aloka ona orsamentu mil $60 ne’ebé tau iha Dotação Todo Governo ne’ebé preparadu ona ba realizasaun sensus pilotu tinan ida ne’e.

Novembru 2017 Ita hadi’a estatístika agrikultura nian hodi suporta ba planeamentu no alokasaun orsamentu ne’ebé di’ak hodi atinje seguransa ai-han no redús ki’ak,” Claudino informa iha Komoro, Edifisiu MAP, ohin.

Sekretáriu Ezekutivu Sensus Agrikultura, lansamentu ba pilotu sensus agrikultura ne’e iha Novembru 2017 no espera katak ho tempu hanesan sei implementa sensus loloos iha Novembru 2018.

Ho rajaun tenki implementa iha fulan-Novembru 2017 no 2018, tanba hakarak iha tempu hanesan nia agrikultór sira ne’ebé mak fó sira-nia resposta nomós informasaun ne’ebé MAP rekolla iha refleta ba kondisaun agrikultura.

Faze implementasaun sensus sei fahe ba faze haat mak preparativu iha tinan 2016, implementasaun pilotu iha 2017, implementasaun sensus loloos iha 2018  no iha tinan 2017 mak relatóriu sensus nian.

Entertantu ba orsamentu implementasaun MAP hetan mós tulun husi Food and Agriculture Organization (FAO) ho nia deskrisaun ba nesesidade ho montante osan kuaze mil U$300.

Ministru Estanislau Aleixo da Silva hatutan, “Ida ne’e buat ida di’ak tebes tanba ita presiza dadus depois bele halo planemantu ida di’ak.”

MAP agora halo planeamentu bazeia ba dadus ne’ebé MAP iha, maibé dalabarak dadus sira lakompletu no ladún di’ak.

Sensus ida hanesan ne’e, MAP sei bá uma-kain ida-idak liuliu área rurál nian husu ba sira atividade agríkola, saida mak sira iha, kuda no saida mak sira hanoin atu kuda, sasán sira kuda ne’e fó rendimentu hira.

Dadus sira ne’e importante para MAP bele haree vizaun ida klaru kona-ba situasaun reál liuliu agrikultór sira nia situasaun.

(Jornalista : Maria Auxiliadora, Editór : Manuel Pinto)

1 COMMENT

  1. Plano nee lakondis ho situasaun moris ema agrikultur. Plano nee straga osan deit. Tmb deit ba husu agrikutur nain husi uma ba uma konba saida mk o hkrak kuda. Nia rendimntu hira. Kestaun ida nee ita la husu mos ita hatene ona. Diak liu husu ba sefi aldeia ida2 tmba sira hatene saida mk sira persija los iha sira nia aldea rasik. E lalika hasai osanmentu ba husu2 maibe haruka deit sefi aldeia idak2 hakrek hotu sira nia hkarak depois kirim liu husi munisipiu. Depois htoo ba ministerio. Hau fiar sefi aldeia hakerek ho koidado tmb ne ne sira moris. Hau la komprende mill$60 ne atu mohu tmb kestaun kiik oane. Ne guverno lahatene bisnis. lahatene uja osan.Governo tengki hatene hemat. Hau sidauk komprende saida mk ministru agrikultura halo ona ba povo agtikultura. Hau hatene mk ita importa sasan barak husi nasaun seluk. Osan mohu ba ema nia rai. Tmba nee rekomnda ba ministeiro hodi indetifika lahan ka rai mamuk iha teritorio timor laran. rai ida nb mk cocok ba buah apel. Angur. Manga. Durian. Ho seluk2tan. Depois identifika rai nebe atu halo natar. Laos atu ba husu2 povu ne lakon tempo i lakon osan barak.. ministru tenhki iha plano ba peskadores sira tmb ikan karun liu iha mundu mk iha timor ona. Se piskadore sira iha roh.iha kapasidade hetan ikn brk liu par baratu.ikus liu osan $mill60 nee uja ba identifika rai mamuk iha timor tomak . Hodi hatene rai ida be mk bokur no labokur identifika hotu . Ida nebe mk persija irigasaun. Depois faze tuir mai hlo plano atu libatkan juventude tomak ba servsu iha rai nb identigika ona. Ne par hamenus penanguran. Bazefundamental moris ema mk agrikultura. Sekarik nasaun seluk lakoi importa sira nia hahan. Ne ohan saida se agrikutur ita nia o la valorija.labele fiar ba onia osan tamba osane la vale wainhira osan ne la wale tmba situasaun maibe hahane sei wale tmb o hamlaha obrgdu

HUSIK IDA HATÁN