DILI, (TATOLI) – Sekretária Estadu Arte no Kultura, Maria Isabel de Jesus Ximenes oras ne’e subtitiu kargu Ministru Turizmu Arte no Kultura, Francisco Kalbuady Lay ne’ebé husu lisensa sem vensimentu durante fulan rua.
MTAK hato’o lisensa ba atividade partidu CNRT hodi hasoru kampaña no eleisaun parlamentár iha tempu besik.
“Ha’u fó relatóriu ba Primeiru Ministru tanba junñ ho jullu, ministru Kalbuady entrega ba ha’u, responsabiliza ministériu”, dehan nia hafoin enkontru ho Primeiru Ministru, Rui Maria de Araújo iha Palásiu Governu, ohin.
Enkontru ne’e, Isabel Ximenes kona-ba funsionamentu ministériu hafoin Kalbuady foti lisensa. To’o oras ne’e seidauk iha tan membru governu maka hato’o ninia lisensa hodi konsentra ba atividade partidu.
“Seidauk iha membru governu balun tan maka hato’o karta lisensa to’o ohin, alende ministru turizmu arte no kultura, Francisco Kalbuady Layʺ, dehan Xefe Governu ba ajénsia Tatoli, ohin.
Jornalista: Agapito dos Santos
Editora: Rita Almeida