Reseita Doméstika 2016 Bele Selu Ona Saláriu-Vensimentu

0
532
Vise-Ministru Finansa, Helder Lopes. Foto Tatoli.

DILI, (TATOLI) – Iha 2016, ba dahuluk reseita doméstika ultrapasa ona totál osan ne’ebé selu ba saláriu no vensimentu pur volta 170 e tal milloens  no reseita doméstika ne’ebé kolleta liu husi númeru ida ne’e.

Vise-Ministru Finansa, Helder Lopes hatete ida ne’e hanesan rezultadu ida husi Reforma Fiskál ne’ebé daudaun ne’e VI Governu Konstitusionál halo.

“Ita espera katak ba oin, ita-nia alvu liuhusi Reforma Fiskál nian ba oin, reseita doméstika la’ós atu sufisiente selu de’it saláriu no vensimentu maibé despeza rekorrente hotu-hotu inklui despeza ba kapitál dezenvolvimentu, se posivel ita hakarak finansia osan ne’ebé ita kolleta liuhusi impostu, alfándega no reseita seluk ne’ebé iha”, hatete Helder iha salaun Ministériu Soliedariedade Sosiál, ohin.

Timor-Leste nia dependénsia ba fundu minarai maka’as tebes no atu hamenus ida ne’e mak halo Reforma Fiskál ho estratéjia mak trasa alvu kolesaun reseita doméstika husi porsentu 10 husi totál ekonomia ne’ebé mak sei atinje porsentu 15 iha 2020.

Jornalista: Maria Auxiliadora

Editora: Rita Almeida

HUSIK IDA HATÁN