Relasaun TL-Indonézia iha AzeanPol Ho InterPol Susesu

0
253
Prosesu deportasaun fujitivu POLRI iha aeroportu internasionál Nicolau Lobato, Komoro, ohin. Foto Tatoli/António Goncalves

DILI, (TATOLI) – Indonézia liuhosi Inspetór Jerál Polísia, Petrus Golose hateten relasaun Timor-Leste ho Indonézia susesu tanba nasaun rua ne’e parte hosi polísia, azean (AzeanPol) no polísia internasionál (InterPol) hodi kaptura fujitivu sira ne’e.

“Ami fó obrigadu ba Timor-Leste tanba relasaun di’ak ho Indonézia hodi kaer fujitivu nain rua ne’ebé tama mai ho ilegál, hafoin hetan kastigu iha Bali-Indonézia”, afirma Petrus Glose ba jornalista sira iha konferénsia imprensa hafoin imigrasaun entrega fujitivu sira ne’e ba sira iha Aeroportu Internasionál Nicolau Lobato, sabadu (24/6).

Nia mós fó obrigadu ba sistema judisiáriu Timor-Leste tanba bele kumpri direitu konstitusionál hosi nasaun rua.

“Ami Indonézia fó obrigadu no prosesu ne’e tanba ohin Timor-Leste halo deportasaun ofisiál hosi imigrasaun ba Indonézia”, dehan nia.

Nia hatutan, lei ne’ebé vigora iha Timor-Leste, Indonézia kumpri no halo tuir, nune’e ninia parte hato’o obrigadu, tanba prosesu julgamentu liuhosi regra ne’ebé estabeleseidu.

Tuir nia, dadaun ne’e la’ós prosesu investigasaun ba arguidu nain rua hosi nasaun Bulgaria no India, arguidu nain rua iha ona desizaun ne’ebé fiksu tanba sira prizioneiru. Lori sira hanesan kazu espesiál, kazu barak iha, hanesan fujitivu INTERPOL bele iha prosesu investigasaun maibé ida ne’e autór no halai fali.

Prosesu ne’ebé funsiona iha Timor-Leste di’ak tebes, tanba ne’e, kuandu ninia parte fila ba Indonézia, sei tuir prosesu ne’e.

Nia haktuir, fujitivu nain rua hetan ona pena permanente no ba oin husu nafatin Timor-Leste atu koopera nafatin tanba nain rua mak sei halai no dadaun iha prosesu persegisaun hosi POLDA Bali.

Nia mós fó obrigadu wain ba povu Timor-Leste nia suporta, bele fó hatene ba entidade sira iha Indonézia halai mai Timor-Leste hodi lori fila fali atu ezekuta pena Indonézia nian.

Jornalista: Zezito Silva

Editora: Rita Almeida

HUSIK IDA HATÁN