RaKom Lian Matebian Labele Toka Múzika De’it

0
119
Prezidente Autoridade munisipiu Baucau Antonio Guterres, koa fita. Foto TATOLI

BAUCAU (TATOLI)– Prezidente Autoridade munisipiu Baucau Antonio Guterres husu ba responsavel Radio Komunidade (RaKom) Lian Matebian Baucau, atu la bele toka Múzika mak barak liu fali notisia tenki hakas án atu fó sai notisia lokál ba komunidade Baucau.

“Labele toka musika maka barak no foti fali notisia husi nasionál mai toka barak liu iha ne’e, maibé oinsa atu transmite notisia lokál barak liu,” Antonio Guterres realsa iha inaugurasaun edifisiu RaKom lian matebian Baucau, Kuarta (14/06)

Governu liuhusi vise ministru administrasaun estatal Tomas Cabral no sekretariu estadu Komunikasaun sosial ,Nélio Isaac Sarmento iha kuarta ohin inagura edifisiu radiu komubidade lian matebian iha Bocoli.

Seremonia inagurasaun ne’e partisipa husi presidente autoridade munisipiu Antonio Agostu Guterres, komandante Polísia Nasionál Timor-Leste no kovidadu seluktan.

Diretora radiu komunidade Dulce Santina Bello relata katak, projeitu ba edifisiu RaKom ne’e halo ho orsamentu estadu 2016 liuhusi PDID  ho montante rihun 214.054,36 husi kompaña Encosta Unipesoal Lda.

Konstruksaun ba uma ne’e hahú iha loron 15 Outobru 2016 no remata iha loron 30 Marsu 2017, durante tinan ida.

Entertantu Prezidenti Autoridade munisipiu Baucau Antonio Guterres husu ba jornalista Radiu Komunidade lian matebian munisipiu Baucau atu transmite informasaun ba komunidade ho maximu.

“Radiu komunidade labele hein ema konvida maka ba halo kobertura, maibé tenki buka informasaun ne’ebé komunidade presiza atu trasmite,” nia fó hanoin.

No dehan, ho edifisiu foun nee sei fasilita jornalista no struktura radiu komunidade trasmite notisia lokál ba komunidade.

Iha fatin hanesan, Sekretariu Estadu Komunikasaun Sosiál (Sekoms) Nélio Isaac Sarmento esplika, radiu parte ida hosi meius komunikasaun sosiál ho nia papel atu trasmite informasaun ba komunidade.

Tanba ne’e ukun nain ne’e husu atu Radiu lian matebian tenki sai solusaun ba autoridade no komunidade ba apoiú prosesu dezenvolvimentu.

Sekoms apoiu ona osan ba radiu komunidade Baucau kuaze rihun 50 hahú 2013 to’o agora. Ba tinan ne’e iha ona prosesu atu aloka orsamentu hodi uja ba funsionamentu radiu komunidade nian

Governante nee, sujere mós atu radiu komunidade lian Matabian tenki introdus lian materna iha programa radiu nian .

Vise ministru administrasaun estatal, Tomas Cabral husu autoridade munisiupiu atu zere funsionamentu radiu komunidade ne’e atu labele estraga hosi komunidade.

Preokupasaun seluk mai hosi Prezidente klibur media no kultura radiu komunidade lian matebian Baucau Albino Sakoko husu ba governu atu defini statuta jornalista voluntariu nain 20 ne’ebé durante ne’e servisu iha radio refere hosi tinan 2002 to’o 2017.

(Jornalista:Agapito dos Santos, Editór : Manuel Pinto).

 

HUSIK IDA HATÁN