PR Lú Olo Simu Kredensiál husi Embaixadór Kanada no Indonézia

0
99
Embaixadór Indonézia Sahat Sitorus entrega karta kredensiál ba Prezidente Repúblika, iha Palásiu Prezidensiál, Bairo Pite, ohin. Foto midia Palásiu Prezidensiál

DILI, (TATOLI) – Prezidente Repúblika, Francisco Guterres Lú Olo, ohin, simu karta kredensiál husi embaixadór Kanada, Peter Macarthur no Indonézia Sahat Sitorus iha Palásiu Prezidensiál, Bairo Pite.

Vise Ministru Negosiu Estranjeiru no Koperasaun, Roberto Soares iha seremonia entrega nota kredensiál ne’e hatete, embaixadór Indonézia hato’o mensajen Prezidente Indonézia, Joko Widodo ba Xefe Estadu, Lú Olo hodi hametin liutan lasu koperasaun entre nasaun rua.

“Prezidente Repúblika Indonézia nian, Jokowi ba Lú Olo no manifesta ninia komitmentu tomak atu haforsa koperasaun, la’ós de’it nível Estadu maibé pesoál entre Prezidente Jokowi no Prezidente, Francisco Guterres Lú Oloʺ, dehan nia iha Palásiu Prezidensiál Bairo-Pite.

Diplomata Indonézia ne’e manifesta apoiu ba prosesu adezaun Timor-Leste ba Azean. “Sira promete sei halo esforsu atu iha tempu badak realiza Timor-Leste nia adezaun ba ASEANʺ, hatutan.

Alende ne’e, diplomata ne’e hatutan, sei esforsu atu rezolve segmentu rua ba demarkasaun fronteira terestre iha Enklave.

Sahat Sitorus akompaña hosi ninia espoza, Bintang Sahat Sitorus, Atase Defeza, Koronel Hari Santoso, Achmad Firman Sejati, no Konsuladu, Jifiawan Gana Putra.

Embaixadór embaixadór Kanada, Peter Macarthur entrega karta kredensiál ba Prezidente Repúblika, iha Palásiu Prezidensiál, Bairo Pite, ohin. Foto midia Palásiu Prezidensiál

Enkuantu, embaixadór Kanada no Indonézia hateten sei kontinua hametin koperasaun bilateral ho Timor-Leste.

ʺKanada reitera (hafoun) sira nia apoiu iha  área governasaun, kapasitasaun no mudansa klimátika, promosaun igualidade jeneruʺ, katak nia.

Prezidente kongratula susesu ba misaun embaixadór foun rua ne’e durante sira ninia misaun. Prezidente manifesta votande atu sai parseiru di’ak ba koperasaun ho nasaun rua ne’e.

Entretantu, embaixadór rua ne’e sei hala’o misaun iha Timor-Leste mínimu tinan tolu.

Jornalista: Agapito dos Santos

Editora: Rita Almeida

HUSIK IDA HATÁN