PNTL Prepara Planu Seguransa Ba Eleisaun Parlamentár

0
33
Komandante Jerál Polísia Nasionál Timor-Leste (PNTL), Júlio da Costa Hornay. Foto Tatoli/Antonio Goncalves

DILI, (TATOLI) – Komandante Jerál Polísia Nasionál Timor-Leste, Júlio da Costa Hornay, ohin iha Ótel Ramelau, Komoro hateten molok eleisaun lejislativa ne’ebé sei akontese iha 22 jullu,  presiza prepara planu seguransa hodi aprezenta ba komandante munisípiu hotu.

“Kuandu besik ona festa demokrásia, tantu hosi eleisaun prezidensiál no lejislativa, komandu jerál PNTL tenke aprejenta planu seguransa ba komandante munisípiu 12 inklui Rejiaun Autonomu Enklave Oe-Cusse Ambeno (RAEOA) atu hatene kona-ba tékniku operasaun nian”, dehan KomJer.

Alende aprezentasaun planu operasaun, Hornay dehan komandate munisipál sira ida-idak hato’o mós nia komprensaun no nesesidade seluk ba apoiu operasaun nian.

Nia hatutan modelu operasaun ba eleisaun lejislativa la-presiza públika ba ema hotu tanba operasaun hosi seguransa hanesan tékniku operasaun nian.

“Ami labele dehan katak operasaun ba eleisaun parlamentár sei halo hanesan ne’e no hanesan ne’eba, tanba bainhira hatudu ne’e la’ós operasaun ona, enkuantu lojístika hosi operasaun ne’e prontu no preparadu ona”, realsa.

Jornalista: Zezito Silva

Editora: Rita Almeida

HUSIK IDA HATÁN