PN la Iha Tempu Diskuite Lei Anti Korrupsaun

0
83
Deputadu Parlamentu Nasionál Arão Noe

 DILI (TATOLI)—Deputadu Parlamentu Nasionál Arão Noe hosi Komisaun A, trata kona-bá lei nian, haktuir, Parlamentu Nasionál (PN) la bele ona halo diskusaun ba lei anti korrupsaun tanba tempu la iha ona.

 “Alende lei anti korrupsaun iha lei ha’at seluk mós sei kaduka tanba deputadu laiha ona orariu atu halo deskusaun ba lei importante lima ne’e,” Arão Noe informa ba Jornalista sira iha uma fukun, Tersa (20/06).

Lei anti Korupsaun iha posbilidade bo’ot sei kaduka tan  ba daruak iha mandatu Deputadu Terseira Lejislatura.

Lei Protesaun ba labarik, segundu alterasaun ba lei ordenamentu teritoriu, lei rejime penal titulares orgaun soberania no rekuperasaun ativu, sei la bele diskuite iha terseiru lejislatura, basa lei hirak ne’e tama iha ajenda diskusaun bainhira mandatu terseiru lejislatura besik ramata.

ʺLei sira ne’e importante tebes maibé tanba tempu la to’o atu aprova iha mandatu ida ne’e, entaun mandatu kuarta lejislatura bele fó perioridade ba lei hirak ne’e,” Arão Noe fó hanoin.

Enkuantu, Lei Podér lokál haruka ona ba Prezidenti Repúblika  hodi promulga. No

Parlamentu Nasionál aprova ona finl global ba lei ha’at seluk antes mandatu terseira lejislatura remata, mak hanesan, Lei eleitoral ba munisipiu, lei Rejime remuniratoriu ba Juizés, lei kriasaun estatuto judisial no ordem advogadus.

Totál lei ne’ebé mak PN terseiru lejislatura aprova no altersaun ba lei hamutuk lima nulu resin.

Maske sura fulan PN terseiru lejislatura sei ramata nia mandatu, maibé funsionamentu PN sei la’o ho normal iha periodu kampaña eleitoral. Ho nune’e nu’udar ida hosi maluk deputadu seluk Arão fó hanoin katak, iha konvokatoriu ou  extra-ordinaria iha loron saida de’it  tenki disponivél atu partisipa tanba ne’e maka la kria komisaun eventual.

(Jornalista: Agapito dos Santos, Editór : Manuel Pinto).

HUSIK IDA HATÁN