PM Husu Ministru Sira Servisu Tuir Planu To’o Agostu

0
76
Enkontru Konsellu Ministru, ohin. Foto GPM

DILI (TATOLI)-Primeiru Ministru Rui Maria de Araújo husu ba, membru governu sira iha Sexto Governu nia laran atu kontinua konsentra hodi implementa  programa  governu   bazeia ba  aprovasaun Orsamentu Geral Estadu hosi Parlamentu Nasional 2017, to’o fulan Agostu.

ʺPrograma 2017 tama ona iha planu asaun annual  tuir orsamentu ne’e tanba ne’e ministeriu hotu hotu foku para implementa iha planu annual ne’ebé tau ona iha orsamentu maka ita sei halao durante fulan hira ne’e to’o Agostu, ʺ Rui Maria de Araújo bolu atensaun Iha Palasiu Prezidensiál Bairo-Pite, Dili, Segunda (19/06).

Tuir politika orsamentu estadu ne’ebé PN aprova, iha 2017 governu konsentra ba perioridades 6 hanesan setór edukasaun, saúde, be’e-mos, saniamentu, infrastruktura bazika no eleisaun.

ʺMandatu Sexto governu sei to’o iha loron ne’ebé setimo governu hetan posse, posilbelmente iha fulan agostu tanba ne’e orsamentu ne’ebé sexto governu seidauk ezekuta ne’e husik ba governu foun atu ezekuta, ʺ Rui esplika

Entertantu totál orsamentu jerál estadu 2017 ba Sexto Governu hamutuk $ 1.3 Billoens.

(Jornalista:Agapito dos Santos, Editór : Manuel Pinto).

HUSIK IDA HATÁN