PEDN Nu’udar Mata Dalan ba Governu Hodi Atinje Moris Di’ak

0
82
Expozisaun governu ba reforma sira iha salaun Ministeriu Solidaridade no Sosial Kaikoli, ohin. Foto Tatoli

DILI, (TATOLI) – Planu Estratéjiku Dezenvolvimentu Nasionál (PEDN) 2011 to’o 2030 nu’udar mata dalan ba sestu governu hodi implementa iha área sosiál infraestutura, ekonomia no governasaun nu’udar pilar importante atu lori Nasaun atinji mehi ho rendimentu media, alta atu povu moris ho dignu iha 2030.

Primeiru Ministru, Rui Maria de Araújo hato’o polítika governu bainhira halo lansamentu ba expozisaun kona-ba reforma ekonomika, administrasaun, fiskál no lejislativu iha salaun Ministériu Solidaridade no Sosiál, Kaikoli, ohin.

“Ha’u fiar katak mehi ne’ebé elabora iha PEDN 2011 to’o 2030 ita hotu nia mehi, tanba ne’e ka’er metin ba prinsípiu inklusividade, boa governasaun, transparénsia no tau ema iha sentru ba dezenvolvimentu ne’ebé define iha PEDN hodi lori povu atinje mehi ba moris ho dignu”, dehan PM.

Tuir nia governu nia responsabilidade maka kria ambiente favoravel ba dezenvolvimentu sustentavel no prestasaun servisu ne’ebé di’ak no lalais ba povu no sidadaun.

Atu atinje mehi ne’e, reforma importante. “Governu ida ne’e halo kompromisiu atu implementa PEDN 2011 to’o 2030 ne’ebé vizualiza ona pilar no estratejia sira kona-ba saida maka governu tenke halo hodi alkansa estatutu nu’udar nasaun ho rendimentu media-alta no kria ambiente ba povu atu bele moris ho dignu”, realsa.

Jornalista: Agapito dos Santo

Editora: Rita Almeida

HUSIK IDA HATÁN