Parpol-Mídia Sei Dialogu Ba Asunto Komunikasaun

0
42
Prezidente Konsellu Imprensa Timor-Leste (KI-TL) Virgilho Guterres (liman Los) koalia ho reprejentante midia sira akompanha hosi reprejentante UNDP.

DILI (TATOLI)—Partidu Polítiku ho Mídia nasionál sira sei realiza Dialogu ne’ebé sei hahú iha loron Sabdu  (01/07) iha studio GMNTV liuhosi programa Political Party Meet The Press ho tema Estado do Comunicação Estado ne’ebé inisia hosi Konsellu Imprensa-Timor-Leste.

Rerejentante Midia sira iha enkotru ho Konsellu Imprensa

Prezidente Konsellu Imprensa Timor-Leste (KI-TL) Virgilho Guterres informa, objektivu ba Dialogu ne’e mak koalia kona-bá komunikasaun estadu ho públiku ho partidu polítiku ne’ebé sei konkore iha elisaun lejislativu fulan jullu tinan ida ne’e.

“Asunto komunikasaun nian ligadu ho Saúde, Edukasaun no Agrikultura liu-liu oinsa mak intensiva dezenvolvimentu komunikasaun sosiál,” Virgilho Guterres fó sai iha enkontru ho jornalista sira hosi mídia oin-oin iha Timor-Leste, Kuarta (28/06) iha aúla fundasaun Oriente, Dili.

Tuir Prezidente KI-TL dialogu Partidu Polítiku ho Mídia sei fahe ba grupo tolu. Grupo primeiru sei realiza iha loron Sabdu (01/07) partisipa hosi partidu polítiku hitu mak hanesan Bloku Unidade Popular (BUP), APMT, Partidu Khunto, PEP, PST, PDP no CNRT.

Grupo segundu iha loron, Sabdu (08/07) mídia sira sei dialogu ho partidu hitu hanesan, Partidu Repúblikanu, UDT, PDC, MLPM, PLP, PD no Partidu UNDERTIM.

Grupo ikus sei realiza mós iha loron, Sabdu (15/07) ho partidu hitu tan hanesan, PUDD, PTD, Frente Mudansa, PSD, CASDT, PDN, ho FRETILIN.

“Formatu dialogu entre grupo mídia ho Partidu Polítiku, pergunta sei hato’o hosi mídia sira. kada mídia ida prepara pergunta minimun liu hitu,” Prezidenti KI-TL fó hanoin.

Hodi hatutan, pergunta ne’ebé mídia sira hato’o sei uza minutu ida ba pergunta ida, nune’e mós resposta ba pergunta ida sei uza minutu tolu.

Iha dialogu ne’e KI-TL bandu tebes atu reprejentante mídia sira hato’o pergunta ne’ebé tendensia ba diskriminasaun ba rasa, relijaun, jeneru maibé se bele hato’o pergunta ne’ebé bazeia ba evidensia.

Entertantu dialogu ne’e sei realiza durante oras rua nia laran iha estudio GMNTV no sei modera rasik hosi Prezidente KI-TL, Virgilho Guterres.

(cml-tatoli)  

 

HUSIK IDA HATÁN