Ohin TR Verifika Lista Partidu

0
199
Deolindo do Santos

DILI (TATOLI)—Tribunál Rekursu (TR), ohin, Sesta (02/06) hahú verifika lista kandidatura partidu polítiku ne’ebé mak rejistu ona iha Tribunál Rekursu, Verifikasaun ne’e sei halo ba partidu hamutuk ruanulu resin hitu ne’ebé rejistradu ona iha Tribunál.

“Hahú ohin halo ona verifikasaun ba lista kandidatura ne’ebé tama hotu ona, enkuantu partidu politiku ne’ebé mak lahatama lista kandidatura signifika katak sira sei la konkore iha eleisaun lejislativa,” Prezidente TR, Deolindo do Santos haktuir ba jornalista sira, horseik lokraik.

Partidu polítiku sira hatama hotu ona lista no hein halo verifikasaun hosi tribunál rekursu. verifikasaun sei halo ba Partidu 27 mak mai hatama ona lista kandidatura, maibé lista kandidatura hosi partidu ida mak lahatama (latemi sai naran).

Nune’e tribunál rekursu sei halo verifikasaun durante loron 10 nia laran ba lista kandidatura ne’ebé partidu polítiku sira hatama ona.

Bainhira verifika mak iha buat ruma ne’ebé la kompletu no sala, entaun tribunál sei notifika reprezentate lista kandidatura atu mai hadia no kompleta iha loron rua nia laran hafoin sira hatama hikas.

Se prosesu verifikasaun la iha fallansu, iha loron, 11 Juñu tribunál sei fó sai desizaun kona-ba lista kandidatura ne’ebé priense kritériu no sira ne’ebé la priense hodi la tuir eleisaun.

Entre lista partidu sira hotu iha partidu tolu mak tuir koaligasaun hanesan Partidu Demokrátiku Repúblikana Timorense (PDRT), PLPA no Partidu Demokratiku (PD).

Lista kandidatura Partidu ne’ebé efetivu ema hamutuk 65 no suplente minimál 25.

(Jornalista : Zezito Silva)

(Editór : Manuel Pinto)

HUSIK IDA HATÁN