Ohin Lú-Olo Inaugura Aeroportu Suai

0
435
Primeiru-Ministru, Rui Maria de Araújo, Ministru Planeamentu no Investimentu Estratéjiku, Kay Rala Xanana Gusmão akompana Bispu Dioseze Maliana, Don Norberto do Amaral hakat tama iha fatin serimónia inaugurasaun Aeroportu Suai.

KOVALIMA (TATOLI)—Prezidente Repúblika (PR) Francisco Guterres Lú-Olo, ohin, Tersa (20/06) inaugura Aeroportu Suai ne’ebé lokaliza iha Distritu Kovalima.

Serimónia inaugurasaun ne’e Prezidente Repúblika, Francisco Guterres ‘Lú-Olo’ mak sei tesi fita no asina plaka.

Hafoin asina plaka kontinua ho bensaun husi reverendu Bispu Dioseze Maliana, Don Norberto do Amaral, maibé antes serimónia inaugurasaun iha loron 19 Junu halo uluk serimónia rituál matak malirin hodi taka konstrusaun aeroportu, ne’ebé ohin ba oin sei temi Aeroportu Kay Rala Xanana Gusmão.

Aeroportu Suai ne’e konstrui ho osan montante U$67,691,189.85 husi kontratór PT Waskita Karya ( Persero), Tbk. ho durasaun servisu  loron 1.163 no hetan fiskalizasaun husi konsultan Jurutera Perunding Zaaba.

Projetu ba konstrusaun aeroportu Suai ne’e hahú iha loron 30 fulan-Maiu 2014 no inaugura iha loron 20 Junu 2017. Aeroportu ne’e ho luan área. 1220 m2 (métru kuadradu).

Iha serimónia ida ne’e partisipa husu membru Governu, membru parlamentu, estrutura givernu, veteranu sira no konvidadu sira.

(Jornalista : Maria Auxiladora, Editór : Manuel Pinto)

 

HUSIK IDA HATÁN