Ohin, KNTLU Organiza Enkontru Anuál Dahitu EDS

0
65

DILI, (TATOLI) – UNESCO (United Nations Educational, Scientific and Cultural Organization) serbisu hamutuk ho Komisaun Nasionál Timor-Leste ba UNESCO (KNTLU), ohin, tersa (6/6) organiza enkontru anuál ba dala hitu kona-ba Edukasaun ba Dezenvolvimentu Sustentavel (EDS) entre nasaun membru UNESCO sira iha Ázia Pasífika.

Objetivu husi enkontru ne’e mak fahe progresu implementasaun edukasaun no dezenvolvimentu sustentavel iha nasaun, atu estuda prátika ne’ebé di’ak liu, obstakúlu sira no rekomendasaun hotu husi implementasaun EDS nomós haforsa rede EDS entre UNESCO Jakarta ho grupu nasaun implementadór sira.

Parte ida husi enkontru ne’e mak vizita ba eskola no komunidade hanesan atividade atu hatudu inisiativa husi eskola matak iha Timor-Leste.

Enkontru ne’e sei loke husi Vise-ministra Edukasaun I, Dulce de Jesus Soares, Diretór no reprezentante UNESCO Jakarta, Shahbaz Khan, Sekretária Jerál KNTLU, Angelina Sarmento.

Inklui, embaixadora Brunei Darussalam ba Timor-Leste, Norazliana Ibrahim, embaixadora Malázia ba Timor-Leste, Chitra Devi V. Rahmia, enkaregada negósiu embaixada Filipina iha Díli, Jason Jovencio A. Anasarias nomós reprezentante embaixada Indonézia iha Timor-Leste.

Entretantu partisipante ba sorumutu ne’e mak Komisaun Nasionál ba UNESCO husi Indonézia, Filipina, Brunei Darussalam, Malázia, organizasaun Internasionál sira, eskola sira inklui ONG (Organizasaun Naun Governamentál).

Jornalista: Rafy Belo

HUSIK IDA HATÁN