Nesisidade Kampaña Estanislau Husu Lisensa Anuál

0
49
Ministru Agrikultura no Peska no Ministru Estadu, Koordenadór Asuntu Ekonómiku, Estanislau Aleixo da Silva

DILI, (TATOLI)-Ministru Agrikultura no Peska no Ministru Estadu, Koordenadór Asuntu Ekonómiku, Estanislau Aleixo da Silva, sei husu lisensa anuál atu bá tuir kampaña lejislativa ne’ebé sei hala’o iha loron 20 Juñu 2017.

“Ha’u ko’alia tiha ona ho Primeiru-Ministru, ha’ú mós sei husu lisensa mas la’ós semana tomak tanba Governu labele husi mamuk, husu loron balun semana nian, bele iha Kuarta loraik, Kinta no Sesta depois Segunda, Tersa no Kuarta dadersán sei halo servisu depois koordena ho Vise-Ministru para ami na’in-rua fahe malu,” Estanislau informa iha Palásiu Governu, ohin.

Ministru Estanislau sei hakerek karta ba Primeiru-Ministru hodi husu lisensa hanesan ferias nian tanba durante tinan rua lahasai ferias, nune’e lisensa foti ne’e hanesan ferias atu bá halo kampaña, maibe sei la husu sein vensimentu.

“Ha’u sei lahusu lisensa sein vensimentu tanba tinan rua ne’e ha’u lahasai lisensa. Agora sira ne’ebé hasai tiha ona  ferias ne’e mak tenke hasai lisensa sein vensimentu,” Membru Komete Sentral FRETILIN ne’e esplika.

(Jornalista : Maria Auxiliadora, Editor : Manuel Pinto)

HUSIK IDA HATÁN